കണ്ണൂര്: എസ്എന്ഡിപി യോഗം ജനറല് സെക്രട്ടറി വെളളാപ്പളളി നടേശനെ സന്ദര്ശിച്ചതില് വനിത-ശിശുക്ഷേമ വകുപ്പ് മന്ത്രി ബിന്ദു കൃഷ്ണയെ വിമര്ശിച്ച് യൂത്ത് കോണ്ഗ്രസ് ജനറല് സെക്രട്ടറി വി പി ദുല്ഖിഫില് .
വര്ഗീയ പരാമര്ശങ്ങള് നടത്തിയ നേതാവിനെ കാണാന് പോയത് തെറ്റാണ്. മന്ത്രിയില് നിന്ന് രാഷ്ട്രീയ മാന്യതകള് പ്രതീക്ഷിക്കുന്നു.ഈ സന്ദര്ശനത്തെ പൂര്ണമായി അപലപിക്കുന്നു-വി പി ദുല്ഖിഫില് ഫേസ്ബുക്കില് കുറിച്ചു.
സമൂഹത്തില് വിഭജനം ഉണ്ടാക്കാന് നോക്കുന്നവരെ അകറ്റി നിര്ത്തണമെന്ന് വി പി ദുല്ഖിഫില് പറയുന്നു.
വെള്ളാപ്പള്ളി നടേശനെ വീട്ടിലെത്തിയാണ് മന്ത്രി ബിന്ദു കൃഷ്ണ കണ്ടത്.ബിന്ദു കൃഷ്ണ വെള്ളാപ്പള്ളിയുടെ മുന്നില് കൈകൂപ്പി നില്ക്കുന്നതും അദ്ദേഹം തലയില് കൈവെച്ച് അനുഗ്രഹിക്കുന്നതുമായ ചിത്രം വെള്ളാപ്പള്ളിയുടെ ഔദ്യോഗിക ഫേസ്ബുക്ക് പേജിലൂടെ പുറത്തുവന്നിരുന്നു.
