വ്യാഴം അനുകൂലമായാൽ ജീവിതത്തിൽ ഗുണഫലങ്ങൾ ഉണ്ടാകുമെന്നാണ് പറയുന്നത് . വ്യാഴത്തെ ഗ്രഹങ്ങളുടെ ഗുരുനാഥനായാണ് കണക്കാക്കുന്നത് .വ്യാഴം അനുകൂലമല്ലെങ്കിൽ അകാരണമായ കടബാധ്യതകൾ, ചെലവ് വർധിക്കൽ, മാനസിക സമ്മർദം , വിഷാദം , സന്താനങ്ങൾ മൂലം ദുരിതം, ബന്ധുജനകലഹം എന്നിവ ജീവിതത്തിൽ അനുഭവപ്പെടാം . വ്യാഴപ്രീതിക്കായി വിഷ്ണു ഭജനമാണ് ഏറ്റവും ഉത്തമം .
2026 ജൂൺ 2 ന് പുലർച്ചെ ഏകദേശം 1.48 നാണ് വ്യാഴം കർക്കടകം രാശിയിലേയ്ക്ക് മാറുന്നത് . കർക്കടകം രാശി എന്നാൽ വ്യാഴത്തിന്റെ ഉച്ചരാശിയാണ്. ഉച്ച രാശിയിൽ വ്യാഴം സ്ഥിതി ചെയ്യുമ്പോൾ അത്യധികം നേട്ടങ്ങൾ എല്ലാവർക്കും ചൊരിയുന്നതാണ്. പുതിയ കാര്യങ്ങൾ ആരംഭിക്കാൻ ഏറ്റവും മികച്ച സമയമാണിത്.കർക്കടകം, വൃശ്ചികം, മീനം രാശിക്കാർക്ക് ഈ മാറ്റം വലിയ നേട്ടങ്ങൾ നൽകുമെന്നാണ് പ്രതീക്ഷിക്കുന്നത് . ഉന്നതവിദ്യാഭ്യാസത്തിനും കുടുംബ ഐശ്വര്യത്തിനും ഈ ഗ്രഹനില ഏറെ ഗുണകരമാകുമെന്ന് വിദഗ്ധർ ചൂണ്ടിക്കാട്ടുന്നു.
കേരളത്തിലെ പ്രമുഖ ക്ഷേത്രങ്ങളിലെല്ലാം പ്രത്യേക പൂജകൾക്കായി വലിയ തിരക്കാണ് ഇപ്പോൾ അനുഭവപ്പെടുന്നത്. വിഷ്ണുപ്രീതികരമായ ‘ദേവാനാം ച ഋഷീണാം ച ഗുരും കാഞ്ചനസന്നിഭം
ബുദ്ധിഭൂതം ത്രിലോകേശം തം നമാമി ബൃഹസ്പതിം’
എന്ന മന്ത്രം നിത്യവും ജപിക്കുന്നതും നല്ലതാണ് .
