ചെന്നൈ: തമിഴ്നാട്ടില് പ്രകാശ് രാജിന് വിജയ് ആരാധകര് പൊങ്കാലയിടുകയാണ് സമുഹമാധ്യമങ്ങളില്. കാരണം ജോസഫ് വിജയ് തന്റെ ഡ്രൈവറുടെ മകനെ എംഎല്എ ആക്കിയതിനെ വിമര്ശിച്ചതോടെയാണ് പ്രകാശ് രാജിന് കടുത്ത വിമര്ശനവും ട്രോളുകളും നേരിടേണ്ടിവരുന്നത്.
കണ്ട ഡ്രൈവര്മാരെയൊക്കെപ്പിടിച്ച് മന്ത്രിയും എംഎല്എമാരും ആക്കുകയാണോ വേണ്ടത്? തമിഴ് ജനതയ്ക്ക് വിവരമുണ്ടെന്നാണ് കരുതിയത്….എന്ന പ്രകാശ് രാജിന്റെ പ്രസ്താവനയാണ് പൊല്ലാപ്പായത്. ഇത് വിജയിന്റെ ആരാധകര്ക്ക് ഇഷ്ടമായില്ല. ഇതോടെ പ്രകാശ് രാജിനെതിരെ തുടര്ച്ചയായി വീഡിയോകള് സമൂഹമാധ്യമങ്ങളില് നിറയുകയാണ്.
ഡ്രൈവര്മാരെ അധിക്ഷേപിച്ചുകൊണ്ടുള്ള പ്രസ്താവനയിലൂടെ പ്രകാശ് രാജിന്റെ യഥാര്ത്ഥ മനോനിലയാണ് പുറത്ത്,വന്നത്. എത്രയൊക്കെ പുരോഗമനജനാധിപത്യ പക്ഷം എന്നൊക്കെ അവകാശപ്പെട്ടാലും പ്രകാശ് രാജിന്റെ ഉള്ളിലുള്ള സാധാരണക്കാരോടുള്ള പുച്ഛമാണ് ഈ പ്രസ്താവനയിലൂടെ പുറത്ത് വന്നത്. പണ്ട് വിജയ് സിനിമയിലെ സ്ഥിരം വില്ലനായിരുന്നു പ്രകാശ് രാജ്. ആ വില്ലനെ ഇപ്പോള് വിജയ് ആരാധകര് സമൂഹമാധ്യമങ്ങളിലാണ് എയറിലാക്കുന്നത്.
നേരത്തെ വിജയ് മുഖ്യമന്ത്രിയായതിനെയും പ്രകാശ് രാജ് വിമര്ശിച്ചിരുന്നു. നടന്മാരെ രാജ്യം ഭരിയ്ക്കാന് ഏല്പിക്കരുത് എന്നായിരുന്നു പ്രകാശ് രാജ് അഭിപ്രായപ്പെട്ടത്.
