കോഴിക്കോട്: പ്രതിപക്ഷ നേതാവ് പിണറായി വിജയന്റെ മരുമകന്‍ മൊഹമ്മദ് റിയാസ് എംഎല്‍എയുടെ വീട്ടില്‍ കഴിഞ്ഞ ദിവസം നടന്ന ഇഡി റെയ്ഡിനെ തുടര്‍ന്ന് പ്രതിഷേധിച്ച സിപിഎം നേതാക്കള്‍ക്കെതിരെ കേസ്.ജില്ലാ സെക്രട്ടറി എം മെഹബൂബ്, ഡിവൈഎഫ്‌ഐ സംസ്ഥാന പ്രസിഡന്റ് വസീഫ്, എ പ്രദീപ് കുമാര്‍, പി മോഹനന്‍ തുടങ്ങി 57 പേര്‍ക്കെതിരെയാണ് കേസ് എടുത്തത്.
നിയമവിരുദ്ധമായി സംഘം ചേരല്‍, ഗതാഗത തടസം തുടങ്ങിയ വകുപ്പുകള്‍ പ്രകാരമാണ് കേസ്. മെഡിക്കല്‍ കോളേജ് പൊലീസ് ആണ് കേസെടുത്തത്.
വീണ വിജയനും ശശിധരന്‍ കര്‍ത്തയുടെ കരിമണല്‍ കമ്പനി സി എം ആര്‍ എല്ലുമായുളള പണമിടപാടുമായി ബന്ധപ്പെട്ടാണ് ഇ ഡി റെയ്ഡ് നടന്നത്. സംസ്ഥാനത്ത് 12 ഇടങ്ങളിലായിരുന്നു പരിശോധന. ഒരു സേവനവും നല്‍കാതെ വീണയുടെ എക്‌സാലോജിക് കമ്പനിക്കും വീണയ്‌ക്കുമായി മൂന്ന് കോടിയോളം രൂപ സി എം ആര്‍ എല്‍ നല്‍കിയെന്നാണ് കണ്ടെത്തല്‍.
