കൊളംബോ: ഇന്ത്യന്‍ സഞ്ചാരികള്‍ക്ക് പുതിയ യാത്രാ നിയമവുമായി ശ്രീലങ്ക. ഇന്ത്യ ഉള്‍പ്പെടെ ലോകത്തിലെ 40 രാജ്യങ്ങളില്‍ നിന്നുള്ള വിനോദ സഞ്ചാരികള്‍ക്ക് ഇനിമുതല്‍ യാതൊരു വിധ ഫീസുമില്ലാതെ 30 ദിവസത്തേക്ക് ‘ഇലക്ട്രോണിക് ട്രാവല്‍ ഓതറൈസേഷന്‍’ (ഇടിഎ) വഴി ശ്രീലങ്ക സന്ദര്‍ശിക്കാം.
ഈ പുതിയ പരിഷ്‌കാരം ഇന്ന് മുതല്‍ പ്രാബല്യത്തില്‍ വന്നു. ഇ.ടി.എ വഴി യാത്ര ചെയ്യാന്‍ യോഗ്യതയുള്ള വിനോദസഞ്ചാരികള്‍ക്ക് ശ്രീലങ്കയില്‍ പ്രവേശിക്കാന്‍ പ്രത്യേകം വിസയുടെ ആവശ്യമില്ല. എന്നാല്‍ യാത്ര തിരിക്കുന്നതിന് മുന്‍പായി ഡിജിറ്റല്‍ ഇലക്ട്രോണിക് ട്രാവല്‍ അതോറിറ്റി വഴി അനുമതി തേടിയിരിക്കണം
. ഇപ്പോള്‍ തിരഞ്ഞെടുക്കപ്പെട്ട 40 രാജ്യങ്ങളിലെ പൗരന്മാര്‍ക്ക് യാതൊരുവിധ നിരക്കുമില്ലാതെ ഇതിനായി ഓണ്‍ലൈന്‍ വഴി അപേക്ഷിക്കാവുന്നതാണ്. മുന്‍പ്, സാര്‍ക്ക് രാജ്യങ്ങളില്‍ നിന്നുള്ള അപേക്ഷകര്‍ 30 ദിവസത്തെ ഡബിള്‍ എന്‍ട്രി ടൂറിസ്റ്റ് വിസയ്‌ക്കായി 20 യുഎസ് ഡോളറും , മറ്റ് രാജ്യങ്ങളില്‍ നിന്നുള്ളവര്‍ 50 യുഎസ് ഡോളറും ഫീസായി നല്‍കണമായിരുന്നു. ഇതാണ് ഇപ്പോള്‍ പൂര്‍ണ്ണമായും ഒഴിവാക്കിയത്.
