തിരുവനന്തപുരം: മാനദണ്ഡങ്ങള്‍ പാലിക്കാതെ പിണറായി വിജയന്‍ സര്‍ക്കാര്‍ രൂപീകരിച്ച കേരളത്തിലെ വഖഫ് ബോര്‍ഡ് പിരിച്ചുവിടണമെന്ന് ബി ജെ പി സംസ്ഥാന വൈസ് പ്രസിഡന്റ് ഷോണ്‍ ജോര്‍ജ്. സര്‍ക്കാര്‍ നടപടി സ്വീകരിച്ചില്ലെങ്കില്‍ ബിജെപി നിയമപരമായി നേരിടുമെന്ന് അദ്ദേഹം പറഞ്ഞു.ഹൈക്കോടതിയെ സമീപിക്കും.
ബോര്‍ഡിനെ സര്‍ക്കാരിന് പിരിച്ചുവിടാന്‍ കഴിയും. അങ്ങനെയൊരു തീരുമാനം എടുക്കാന്‍ മുഖ്യമന്ത്രി തയാറാകണം. എല്‍ഡിഎഫ് സര്‍ക്കാര്‍ നിയമിച്ച വഖഫ് ബോര്‍ഡിനെ വഖഫ് നിയമത്തിലെ സെഷന്‍ 64 അനുസരിച്ച് പിരിച്ചുവിടാന്‍ മുഖ്യമന്ത്രിക്ക് 10 മിനിറ്റ് പോലും വേണ്ടെന്ന് ഷോണ്‍ ജോര്‍ജ് പറഞ്ഞു. നാളെ അദ്ദേഹത്തിന് സൗകര്യമുള്ള ബോര്‍ഡ് രൂപീകരിച്ച് മുനമ്പം ഭൂമി വഖഫ് സ്വത്തല്ലെന്ന് പ്രഖ്യാപിക്കാം. ഇതിനായി ഗസറ്റ് പബ്ലിക്കേഷന്‍ റദ്ദാക്കാന്‍ മുഖ്യമന്ത്രിക്ക് നിയമപരമായി സാധിക്കുമെന്നും ഷോണ്‍ ജോര്‍ജ് ചൂണ്ടിക്കാട്ടി.
പ്രതിപക്ഷ നേതാവായിരുന്നപ്പോള്‍ മുനമ്പത്തെ ഭൂമി വഖഫ് വസ്തുവല്ലെന്ന് ടൈപ്പ് ചെയ്യാന്‍ വെറും 10 മിനിറ്റ് മതിയെന്ന് പറഞ്ഞയാളാണ് ഇന്നത്തെ മുഖ്യമന്ത്രി. എന്നാല്‍ അധികാരത്തിലേറി 10 ദിവസം കഴിഞ്ഞിട്ടും വിഷയത്തില്‍ തീരുമാനമെടുക്കാന്‍ വി ഡി സതീശന് സാധിക്കുന്നില്ലെന്ന് ഷോണ്‍ ജോര്‍ജ് കുറ്റപ്പെടുത്തി.
