ആഗ്ര: യുഎസ് സ്റ്റേറ്റ് സെക്രട്ടറി മാർക്കോ റൂബിയോ ഭാര്യ ജീനറ്റ് റൂബിയോയ്‌ക്കൊപ്പം താജ്മഹൽ സന്ദർശിച്ചു. മുഗൾ കാലഘട്ടത്തിലെ പ്രശസ്തമായ സ്മാരകത്തെ ലോകത്തിലെ പ്രണയ നിധികളിൽ ഒന്ന് എന്ന് അദ്ദേഹം വിശേഷിപ്പിച്ചു. നാല് ദിവസത്തെ ഇന്ത്യാ സന്ദർശനത്തിനെത്തിയ റൂബിയോ രാവിലെ 10 മണിയോടെ ഒരു പ്രത്യേക വിമാനത്തിൽ ആഗ്രയിലെ ഖേരിയ വിമാനത്താവളത്തിലെത്തിയത്. കനത്ത സുരക്ഷാ ക്രമീകരണങ്ങൾക്കിടയിലായിരുന്നു അദ്ദേഹതിന്റെ താജ്മഹൽ സന്ദർശനം.
“ലോകത്തിലെ പ്രണയ നിധികളിൽ ഒന്നിനെ സന്ദർശിക്കാൻ ഞങ്ങളെ അനുവദിച്ചതിന് നന്ദി,” – റൂബിയോ സന്ദർശക പുസ്തകത്തിൽ എഴുതി. ഇന്ത്യയിലെ യുഎസ് അംബാസഡർ സെർജിയോ ഗോറിനൊപ്പം എത്തിയ യുഎസ് സ്റ്റേറ്റ് സെക്രട്ടറി താജ്മഹലിൽ ഒരു മണിക്കൂറോളമാണ് ചെലവഴിച്ചത്. യുനെസ്കോയുടെ ലോക പൈതൃക സ്ഥലത്ത് ഒരു ഫോട്ടോ എടുക്കുന്നതിനായി അംബാസഡർ റൂബിയസിനൊപ്പം ചേർന്നിരുന്നു.
റൂബിയോയുടെ ഉന്നതതല സന്ദർശന വേളയിൽ താജ്മഹലിന് ചുറ്റും സുരക്ഷ കർശനമാക്കിയിരുന്നു.
