കൊച്ചി: ദൃശ്യം 3 ഷൂട്ടിംഗിനിടയില് ഒരു ആരാധകനാണ് മോഹന്ലാല് എന്ന പേരിന്റെ അര്ത്ഥം മോഹന്ലാലിനോട് ചോദിച്ചത്. “എനിക്കറിഞ്ഞൂടാ, അതിനൊരു അര്ത്ഥമുണ്ടോ” എന്നായിരുന്നു മോഹന്ലാല് ഇതിന് നല്കിയ മറുപടി. ഇതുപറഞ്ഞ് കാറിന്റെ സീറ്റില് ചാഞ്ഞിരുന്ന് കണ്ണടയ്ക്കുന്ന മോഹന്ലാലിന്റെ വീഡിയോ വൈറലായിരുന്നു.
എന്നാല് ഇപ്പോഴിതാ ഗൂഗിള് ജെമിനിയില് നിന്നും മറ്റൊരു ആരാധകന് മോഹന് ലാല് എന്ന പേരിന്റെ അര്ത്ഥം കണ്ടെത്തിയിരിക്കുന്നു. നമ്മള് പലരും കരുതുന്നതുപോലെ മോഹന്ലാല് ഒരു ഹിന്ദി പേരല്ല.. മറിച്ച്, രണ്ട് സംസ്കൃത പദങ്ങള് കൂടിച്ചേര്ന്ന പേരാണ്.
മോഹന് എന്ന സംസ്കൃത പദത്തിന്റെ അര്ത്ഥം മനോഹരം, ആകര്ഷകം എന്നിങ്ങനെയാണ് അര്ത്ഥം. ഭഗവാന് കൃഷ്ണന്റെ പര്യായപദം കൂടിയാണ് മോഹന്.
ലാല് എന്ന സംസ്കൃത പദത്തിനര്ത്ഥം പ്രിയപ്പെട്ടവന്, പ്രിയപുത്രന് എന്നിങ്ങനെ അര്ത്ഥങ്ങളുണ്ട്.
രണ്ടും കൂടിച്ചേര്ന്ന മോഹന്ലാല് എന്ന പേരിന് പ്രിയപ്പെട്ട കൃഷ്ണന് എന്നാണ് അര്ത്ഥം.
മോഹന്ലാലിന്റെ 66ാം ജന്മദിനമായിരുന്ന മെയ് 21ന്. അന്നാണ് ചിലര് മോഹന്ലാലെന്ന പേരിന്റെ അര്ത്ഥം സമൂഹമാധ്യമങ്ങളില് പങ്കുവെച്ചത്. ഇതോടെ പലരുടെയും ചുണ്ടില് വിരിഞ്ഞത് പുഞ്ചിരിയാണ്. കാരണം ലാലേട്ടന് എപ്പോഴും ഒരു പ്രണയാതുരകാമുകനായാണ് പലരും നെഞ്ചേറ്റുന്നത്. ഈ നടന്റെ ഭ്രാന്തമായ പ്രണയ സീനുകള് അവിസ്മരണീയമാണ്.
