തിരുവനന്തപുരം : ബിജെപിക്കെതിരെ എന്ന് പേരിട്ട് വരുന്ന ഏത് മൂവ്മെന്റിനും ദിവസങ്ങള് കൊണ്ട് ഒന്നോ രണ്ടോ കോടി ഫോളോവേഴ്സ് ഉണ്ടാക്കല് അത്ര വലിയ സംഭവമൊന്നുമല്ലെന്ന് ബിജെപി നേതാവ് യുവരാജ് ഗോകുൽ.
നാല് ദിവസങ്ങൾക്കകം ഇൻസ്റ്റാഗ്രാമിൽ 14 ദശലക്ഷത്തിലധികം (1.4 കോടി) ഫോളോവേഴ്സിനെയാണ് കോക്രോച്ച് ജനതാ പാർട്ടി സ്വന്തമാക്കിയതെന്ന മട്ടിൽ വാർത്തകൾ വന്നിരുന്നു . ഇതോടെ ഭരണകക്ഷിയായ ഭാരതീയ ജനതാ പാർട്ടിയുടെ (BJP – 8.7 ദശലക്ഷം ഫോളോവേഴ്സ്) ഇൻസ്റ്റാഗ്രാം റെക്കോർഡിനെയും സിജെപി മറികടന്നുവെന്നും വാർത്തകൾ വന്നിരുന്നു. അതിനു പിന്നാലെയാണ് യുവരാജിന്റെ പ്രസ്താവന.
‘ ഇന്ത്യയില് മുസ്ലീം ജനസംഖ്യ 20 കോടിയാണ്. കേരളത്തില് മാത്രം ഏതാണ്ട് ഒരു കോടിയോളമുണ്ട്. അതുകൊണ്ട് ബിജെപിക്കെതിരെ എന്ന് പേരിട്ട് വരുന്ന ഏത് മൂവ്മെന്റിനും ദിവസങ്ങള് കൊണ്ട് ഒന്നോ രണ്ടോ കോടി ഫോളോവേഴ്സ് ഉണ്ടാക്കല് അത്ര വലിയ സംഭവമൊന്നുമല്ല. അതും തലക്കെട്ടാക്കി നടന്നാലൊന്നും ബിജെപി യുടെ രോമത്തില് പോലും തൊടാനുമാകില്ല ‘ എന്നും യുവരാജ് പറയുന്നു.
പപ്പുജി മുതൽ ധ്രുവ് രാത്തി, സോറോസ് , സ്റ്റാലിന്, മമത , പിണറായി അങ്ങനെ എല്ലാവരും വന്നുവെന്നും അജയ്യന് മഹാബലന് മാരുതി കാവലോടെ നരേന്ദ്രന് ഒരറ്റത്തുണ്ട്. ആര്ക്കും സ്വാഗതം. ഈ രാഷ്ട്രത്തിന്റെ കോട്ട കാക്കാന് ഞങ്ങളുണ്ട് – എന്നും യുവരാജ് പറയുന്നു.
