ചെന്നൈ: സാധാരണ ഡിഎംകെയുടെ കാര്യത്തില് എന്ത് സാധനങ്ങള് വാങ്ങി ജനങ്ങള്ക്ക് നല്കുമ്പോഴേക്കും അതിന്റെ വില സര്ക്കാര് കണക്കുകളില് പല മടങ്ങായി ഉയര്ന്നിട്ടുണ്ടാകും. എന്നാല് കഴിഞ്ഞ ദിവസം ആരോഗ്യസേവനത്തിനായി വിജയ് സര്ക്കാര് 40 മഹീന്ദ്ര ബൊലേറോ വാങ്ങിയതിന്റെ കണക്ക് കിറുകൃത്യമാണെന്ന് റിപ്പോര്ട്ട്.
തമിഴ്നാട്ടിൽ ഗ്രാമീണ ആരോഗ്യ സേവനങ്ങൾ കൂടുതൽ ശക്തിപ്പെടുത്തുന്നതിനായാണ് കഴിഞ്ഞ ദിവസം 40 മഹീന്ദ്ര ബൊലേറോ വാഹനം വാങ്ങി വിതരണം ചെയ്തത്. ഗ്രാമീണ മേഖലകളിലെ ആരോഗ്യ സേവനങ്ങൾക്ക് കൂടുതൽ വേഗവും കാര്യക്ഷമതയും നൽകാൻ ഈ വാഹനങ്ങൾ സഹായിക്കുമെന്നാണ് സർക്കാർ വൃത്തങ്ങൾ വ്യക്തമാക്കുന്നത്.
ഒരു വാഹനത്തിന് ശരാശരി 8 മുതൽ 9 ലക്ഷം രൂപ വരെ വില വരുമെന്നാണ് കണക്കുകൾ. അതനുസരിച്ച് മൊത്തം തുക ഏകദേശം 3 കോടി 60 ലക്ഷം രൂപവരെ എത്തുമെന്നാണ് പലരും കരുതിയത്. എന്നാൽ സർക്കാർ പുറത്തുവിട്ട ഔദ്യോഗിക കണക്ക് പ്രകാരം ഇതിനായി ചെലവഴിച്ചത് 2 കോടി 90 ലക്ഷം രൂപ മാത്രമാണെന്നാണ്. ഒന്നിച്ച് വാങ്ങിയപ്പോള് വിലപേശലില് വില കുറച്ച് കിട്ടിയതായിരിക്കാം എന്ന് കരുതുന്നു. എന്തായാലും ഉദ്യോഗസ്ഥരോ മന്ത്രിമാരോ ആരും കമ്മീഷന് അടിച്ചിട്ടില്ല.
ചെറിയ നിർമ്മാണ പ്രവർത്തനങ്ങൾക്കുപോലും ലക്ഷങ്ങൾ ചെലവാകുന്ന സാഹചര്യത്തിൽ, വലിയ പദ്ധതികളിൽ പോലും കൃത്യമായ കണക്ക് അവതരിപ്പിക്കുന്നത് ജനങ്ങളിൽ വിശ്വാസം വർധിപ്പിക്കുന്നുവെന്നാണ് അഭിപ്രായം. “രാഷ്ട്രീയത്തിൽ നിന്ന് പണം ഉണ്ടാക്കാൻ അല്ല ഞാൻ വരുന്നത്” എന്ന വിജയിന്റെ പഴയ പ്രസ്താവന വീണ്ടും ആരാധകരും പിന്തുണക്കുന്നവരും സോഷ്യൽ മീഡിയയിൽ പങ്കുവെക്കുകയാണ്.
