തിരുവനനതപുരം: കോണ്‍ഗ്രസ് തെരഞ്ഞെടുപ്പില്‍ വിജയിച്ചതോടെ കെ.സി. വേണുഗോപാല്‍ തികച്ചും അപ്രതീക്ഷിതമായാണ് കേരള മുഖ്യമന്ത്രിക്കസേര കിട്ടാന്‍ ചാടി വീണത്. ഇതിന് പിന്നിലെ പ്രധാന കാരണം ദേശീയ കോണ്‍ഗ്രസ് നേതാവായി തുടരുന്നതുകൊണ്ട് പ്രത്യേകിച്ച് ഒരു ഗുണവുമില്ല എന്ന തിരിച്ചറിവ് തന്നെയാണെന്ന് വേണുഗോപാലിനെ ശരിയ്‌ക്കും അടുത്തറിയുവന്നവര്‍ പറയുന്നു.
കാരണം തല നിറയെ ഈഗോയുമായി, രാജപുത്രന്‍ എന്ന ഭാവത്തില്‍ നടക്കുന്ന രാഹുല്‍ ഗാന്ധിയുടെ കീഴില്‍ കോണ്‍ഗ്രസ് കേന്ദ്രത്തില്‍ അടുത്തെങ്ങാനും അധികാരത്തില്‍ വരുമെന്ന യാതൊരു ഉറപ്പും കെ.സി. വേണുഗോപാലിനില്ല. തികച്ചും അരക്ഷിതമായ കോണ്‍ഗ്രസിലെ കേന്ദ്രപദവിയ്‌ക്ക് പകരം കേരളത്തിലെ മുഖ്യമന്ത്രിക്കസേര കിട്ടിയാല്‍ അഞ്ച് വര്‍ഷം സമാധാനത്തോടെ അല്ലലില്ലാതെ ഭരിയ്‌ക്കാം എന്ന മോഹമായിരുന്നു വേണുഗോപാലിനെ അതിന് പ്രേരിപ്പിച്ചത്. അതില്‍ വേണുഗോപാലിനെ തെറ്റുപറയാന്‍ കഴിയില്ലെന്നും വേണുഗോപാലിനോട് അടുത്ത വൃത്തങ്ങള്‍ പറയുന്നു.
രാഹുല്‍ ഗാന്ധിയുടെ കൂടെയുള്ള യാത്രയില്‍ യാതൊരു സുരക്ഷിതത്വവുമില്ല. എല്ലാ നിമിഷവും പ്രശ്നങ്ങള്‍ മാത്രമാണ്. ഒന്ന് കഴിഞ്ഞാല്‍ മറ്റൊന്ന്. സംസ്ഥാന തെരഞ്ഞെടുപ്പുകളില്‍ എല്ലാം തോല്‍വിയോട് തോല്‍വികള്‍. രാഹുല്‍ ഗാന്ധിയാവട്ടെ താഴേക്കിടയില്‍ ഇറങ്ങിച്ചെല്ലാതെ നീങ്ങുന്ന രാഷ്‌ട്രീയ നേതാവും. സ്ഥിരതയുള്ള സ്വഭാവമില്ല. എപ്പോഴും എന്താണെന്ന് വായില്‍ നിന്നും വരുന്നതെന്ന് പറയാനുമാവില്ല. മാത്രമല്ല, കേന്ദ്രത്തില്‍ മോദിയും അമിത് ഷായും ഉള്ളിടത്തോളം ഒരു ഭരണമാറ്റം പ്രതീക്ഷിക്കാനാവില്ല. ഇതെല്ലാമാണ് വേണുഗോപാലിനെ കേരളത്തിലെ മുഖ്യമന്ത്രിക്കസേരയ്ക്ക് മോഹിപ്പിച്ചത്. മാത്രമല്ല, രാഹുല്‍ ഗാന്ധിയുടെ സഹായത്തോടെ അത് കയ്യടക്കാമെന്നും വേണുഗോപാല്‍ കരുതിയാല്‍ അതില്‍ തെറ്റുപറയാനാവില്ല. പക്ഷെ കണക്കുകൂട്ടല്‍ എലാം തെറ്റിച്ച് മുസ്ലിം ലീഗ് അതിന് മാര്‍ഗ്ഗതടസ്സമാവുകയായിരുന്നു.
