കോഴിക്കോട് : മല വെളളപ്പാച്ചിലില് താത്കാലിക പാലം ഒലിച്ചുപോയി.മുത്തപ്പന്പുഴയ്ക്ക് സമീപം നിര്മ്മിച്ച താല്ക്കാലിക പാലമാണ് ഒലിച്ചുപോയത്. തിരുവമ്പാടി മറിപ്പൂഴ റൂട്ടിലാണ് സംഭവം.
വയനാട് തുരങ്കപാത പ്രദേശത്തേക്കുള്ള താല്ക്കാലിക പാലമാണ് തകര്ന്നത്.മുത്തപ്പന്പുഴ മുസ്ലിം പള്ളിക്ക് സമീപം നിര്മ്മാണത്തിലിരുന്ന പാലത്തിന്റെ താല്ക്കാലിക സംവിധാനമാണ് തകര്ന്നത്.
കനത്ത മഴയില് തോട്ടിലൂടെ വന്തോതില് മലവെള്ളം കുത്തിയൊലിച്ച് വരികയായിരുന്നു. തുരങ്ക പാതയ്ക്കുള്ള റോഡ് പണി നടക്കുന്നതിനാലാണ് പഴയ പാലം പൊളിച്ച് താല്ക്കാലിക പാലം നിര്മ്മിച്ചത്. വൈകിട്ട് പെയ്ത കനത്ത മഴയിലാണ് മലവെള്ളപ്പാച്ചില് ഉണ്ടായത്.
