കൊല്‍ക്കത്ത: ഇന്ത്യന്‍ വിമെന്‍സ് ലീഗില്‍ നിര്‍ണായക മത്സരത്തില്‍ ഗോകുലം കേരള എഫ്‌സിക്ക് സമനില നേടിയതോടെ ഇതോടെ ലീഗില്‍ കേരളം അഞ്ചാം സ്ഥാനത്ത് സീസണ് അവസാനിപ്പിച്ചു. ടൂര്‍ണമെന്റില്‍ 14 മത്സരങ്ങള്‍ പൂര്‍ത്തിയാക്കിയപ്പോള്‍ 4 വീതം ജയവും, തോല്‍വിയും 6 സമനിലയുമാണ് ടീമിന് നേടാനായത്. ആകെ 18 പോയിന്റ്. ഒരു മത്സരം ബാക്കി നില്‍ക്കെ 36 പോയിന്റുമായി ഈസ്റ്റ് ബംഗാള്‍ എഫ് സിയാണ് ഒന്നാമത്. ഇന്നലെ നടന്ന ഗോകുലം എഫ് സി- നിതാ എഫ് എ മത്സരം 1-1 സമനിലയില്‍ അവസാനിച്ചിരുന്നു. 9′ ആം മിനിറ്റില്‍ പ്രിയദര്‍ശിനി നേടിയ ഗോളില്‍ മുന്നിട്ടു നിന്ന ഗോകുലത്തിനെ 45+3′-ാം മിനിറ്റില്‍ പ്യാരി സക്‌സ നേടിയ ഗോളിലൂടെ നിതാ എഫ് എ സമനിലയില്‍ തളച്ചു.
തുടര്‍ച്ചയായ 3 ചാംപ്യന്‍ഷിപ്പുനേട്ടങ്ങള്‍ക്കും 2 തവണ 2 -ാം സ്ഥാനത്തു ഫിനിഷും ചെയ്ത ടീമിനു ഇത്തവണ കാലിടറിയത് ഫസ്റ്റ് ഫേസ് മത്സരങ്ങളിലാണ്. തുടര്‍ സമനിലകളും തോല്‍വികളും, വിദേശ താരങ്ങളുടെ മങ്ങിയ പ്രകടനവും വലച്ച ടീം ആദ്യ ഫേസ് അവസാനിക്കുമ്പോള്‍ 7-ാം സ്ഥാനത്തായിരുന്നു.
മാറി വന്ന എമു എജെ, സോറോത്തെ പോലുള്ള വിദേശ താരങ്ങളും കേരള വിമന്‍സ് ലീഗിലെ മറ്റു മലയാളി താരങ്ങള്‍ നടത്തിയ മിന്നും പ്രകടനമാണ് സെക്കന്റ് ഫേസില്‍ ടീമിന് ഊര്‍ജമായത്. മലബാറിയന്‍സ് അനിവാര്യമായ അഴിച്ചുപണികള്‍ നടത്തി കൂടുതല്‍ മികച്ച ടീമുമായി അടുത്ത ഐ ഡബ്‌ള്യു എല്‍ സീസണ് എത്തുമെന്നാണ് മാനേജ്‌മെന്റിന്റെ ആത്മവിശ്വാസം.
