തിരുവനന്തപുരം: യുഡിഎഫ് മന്ത്രിസഭയിൽ വി.ഡി. സതീശൻ അടക്കമുള്ള 19 മന്ത്രിമാരും ദൈവനാമത്തിൽ സത്യപ്രതിജ്ഞ ചെയ്തപ്പോൾ രണ്ട് പേരാണ് വ്യത്യസ്തരായി നിന്നത്. തിരുവനന്തപുരം സെൻട്രലിൽ നിന്ന് കന്നിവിജയം നേടി എംഎൽഎയായ സി.പി. ജോണും ചവറയിൽ നിന്ന് മൂന്നാമതും ജയിച്ച് എംഎൽഎയായ രണ്ടാമതും മന്ത്രിയാകുന്ന ഷിബു ബേബി ജോണും. ഇരുവരും സഗൗരവം സത്യപ്രതിജ്ഞ ചെയ്യുകയായിരുന്നു.
സിപിഎമ്മിൽ നിന്ന് 40 വർഷം മുമ്പ് മാറിയ സി.പി ജോൺ ആദ്യമായാണ് നിയമസഭാംഗമാകുന്നതും മന്ത്രിയാകുന്നതും. മുഖ്യമന്ത്രി പിണറായി വിജയന്റെ നേതൃത്വത്തിലുള്ള രണ്ടാം സർക്കാരിന്റെ സത്യപ്രതിജ്ഞയിൽ ആറ് പേർ ദൈവനാമത്തിലും മറ്റുള്ളവർ സഗൗരവവുമാണ് സത്യപ്രതിജ്ഞ ചെയ്തിരുന്നത്. ആറ് പതിറ്റാണ്ടിന് ശേഷം ആദ്യമായാണ് ഒരു യുഡിഎഫ് മന്ത്രിസഭ മുഖ്യമന്ത്രിയോടൊപ്പം ഒന്നിച്ച് സത്യപ്രതിജ്ഞ ചെയ്യുന്നത്.
ഇംഗ്ലീഷിൽ സത്യവാചകം ചൊല്ലി കെ. മുരളീധരനും സത്യപ്രതിജ്ഞയിൽ വ്യത്യസ്തനായി.
