അമരാവതി: രാഷ്ട്രീയത്തില് സുസ്ഥിരത പ്രധാനമെന്നും അതിനാലാണ് താന് ബിജെപിയുമായും ടിഡിപിയുമായും സഖ്യമുണ്ടാക്കി തെരഞ്ഞെടുപ്പില് മത്സരിക്കുന്നതെന്ന് പവന് കല്യാണ്. എന്തുകൊണ്ട് വിജയിനെപ്പോലെ തന്റെ ജനസേന പാര്ട്ടി ഒറ്റയ്ക്ക് മത്സരിക്കുന്നില്ല എന്ന പ്രവര്ത്തകരുടെ ചോദ്യത്തിന് ഉത്തരം പറയുകയായിരുന്നു പവന് കല്യാണ്.
ആന്ധ്രയിലെ രാഷ്ട്രീയ സാഹചര്യം തമിഴ്നാട്ടിലേതിനേക്കാള് തികച്ചും വ്യത്യസ്തമാണ്. തെരഞ്ഞെടുപ്പിലൂടെ അധികാരം നേടിയെടുക്കുക എന്നതിനേക്കാള് ആദര്ശാത്മകമായ രാഷ്ടീയത്തിനാണ് പ്രാധാന്യം നല്കുന്നത്. – പവന് കല്യാണ് പറഞ്ഞു.
രാഷ്ട്രീയം സമൂഹത്തില് മാറ്റം കൊണ്ടുവരുന്ന ഒന്നായിരിക്കണം എന്ന വിശ്വാസക്കാരനാണ്. ഞാന്. എന്ടിആറിന്റെയും രാഷ്ട്രീയ യാത്ര ഞാന് സൂക്ഷ്മമായി നിരീക്ഷിച്ചിട്ടുണ്ട്. 1983ല് തുടങ്ങിയ രാമറാവുവിന്റെ രാഷ്ട്രീയം 1995ല് അവസാനിച്ചു. നക്സലൈറ്റ് പ്രസ്ഥാനങ്ങളെയും ഞാന് നിരീക്ഷിച്ചു. എത്ര യുവാക്കളാണ് നക്സലൈറ്റ് പ്രസ്ഥാനങ്ങള്ക്ക് വേണ്ടി ജീവിതം ഹോമിച്ചത്. ഇതെല്ലാം നമ്മള് മനസ്സിലാക്കേണ്ടതുണ്ട്. – പവന് കല്യാണ് അഭിപ്രായപ്പെട്ടു.
