തിരുവനന്തപുരം: പത്താംക്ലാസില് എല്ലാ വിഷയങ്ങളിലും എ പ്ലസ് കിട്ടാത്തവരും ഒരു വിഷയത്തില് പോലും എ പ്ലസ് കിട്ടാത്തവരും വിഷമിക്കരുതെന്ന ഉപദേശവുമായി അഡ്വ.ഗായത്രി കൃഷ്ണ പങ്കുവെച്ച പോസ്റ്റ് വൈറല്. ഫെയ്സബുക്കില് പോസ്റ്റ് ചെയ്ത വീഡിയോയിലൂടെയാണ് പഠിത്തത്തില് പിന്നാക്കം പോയതില് വിഷമിക്കുന്ന കുട്ടികള്ക്ക് അഡ്വ. ഗായന്ത്രി കൃഷ്ണ മോട്ടിവേഷന് നല്കുന്നത്.
ഒരു വിഷയത്തിലും ആര്ക്കും എ പ്ലസ് കിട്ടിയില്ലെങ്കിലും ഐടിയില് എല്ലാവര്ക്കും എ പ്ലസ് കിട്ടുമെന്നും നിനക്ക് അതുപോലെ കിട്ടിയില്ലല്ലോ എന്നുമാണ് പത്താംക്ലാസില് തന്റെ ക്ലാസ് ടീച്ചറായ സൂസമ്മ ടീച്ചര് തന്നോട് പറഞ്ഞത് ഇപ്പോഴും ഓര്മ്മയുണ്ടെന്ന് ഗായത്രി പറയുന്നു. എന്നാല് ഒരു വിഷയത്തിലും എ പ്ലസ് കിട്ടിയില്ലെങ്കിലും തന്റെ ജീവിതം അവിടെ നിന്നുപോയില്ലെന്ന് അഡ്വ. ഗായത്രി കൃഷ്ണ പറയുന്നു.
പിന്നീട് താന് തനിക്ക് ഇഷ്ടമുള്ള വിഷയങ്ങള് പ്ലസ് വണ്ണിനും പ്ലസ് ടുവിനും പഠിച്ചുവെന്നും അതിന് ശേഷം ലിറ്ററേച്ചറും ജേണലിസവും പഠിച്ചുവെന്നും ഗായത്രി കൃഷ്ണ.. പിന്നീട് എല്എല്ബി പഠിച്ച് അഭിഭാഷകയായി ഇപ്പോള് ഇവിടെ എത്തിനില്ക്കുകയാണ്. അതുകൊണ്ട് പത്താം ക്ലാസിലും പ്ലസ് ടുവിനും എ പ്ലസ് കിട്ടിയില്ലെന്നതുകൊണ്ട് ജീവിതം അവിടെ അവസാനിക്കില്ലെന്നും എല്ലാവും മനസ്സിലാക്കണമെന്നും അഡ്വ. ഗായന്ത്രി കൃഷ്ണ പറയുന്നു.
