ന്യൂദല്ഹി: പ്രധാനമന്ത്രി നരേന്ദ്ര മോദിയുമായുള്ള 35 വര്ഷത്തിലേറെ നീണ്ട ബന്ധത്തെക്കുറിച്ച് പുസ്തകം എഴുതി കേന്ദ്ര കൃഷിമന്ത്രി ശിവരാജ് സിങ് ചൗഹാന്. ‘അപ്നാപന്’ എന്ന് പേരിട്ടിരിക്കുന്ന പുസ്തകം ഈ മാസം 26ന് മുന് ഉപരാഷ്ട്രപതി എം. വെങ്കയ്യനായിഡുവും മുന് പ്രധാനമന്ത്രി എച്ച്.ഡി. ദേവഗൗഡയും ചേര്ന്ന് പ്രകാശനം ചെയ്യും.
മുരളീ മനോഹര് ജോഷിയുടെ നേതൃത്വത്തില് കന്യാകുമാരിയില് നിന്ന് കാശ്മീരിലേക്ക് നടത്തിയ ഏകതാ യാത്ര മുതല് താന് നരേന്ദ്ര മോദിയ്ക്കൊപ്പം പ്രവര്ത്തിക്കുന്നുണ്ടെന്ന് ശിവരാജ് സിങ് ചൗഹാന് വാര്ത്താസമ്മേളനത്തില് വ്യക്തമാക്കി. അന്ന് യുവമോര്ച്ച സംസ്ഥാന പ്രസിഡന്റായിരുന്നു. മോദി ദേശീയ ജനറല് സെക്രട്ടറിയായിരിക്കെ മധ്യപ്രദേശിന്റെ ചുമതല വഹിച്ചപ്പോള്, താന് സംസ്ഥാന ജനറല് സെക്രട്ടറിയായിരുന്നു. മധ്യപ്രദേശ് മുഖ്യമന്ത്രിയായി സേവനമനുഷ്ഠിക്കുമ്പോള് മോദി ഗുജറാത്തില് മുഖ്യമന്ത്രിയായിരുന്നു. മോദി പ്രധാനമന്ത്രിയായപ്പോള് താന് മുഖ്യമന്ത്രിയായി തുടര്ന്നു. ഇപ്പോള് കേന്ദ്രമന്ത്രിയായി ഒപ്പം പ്രവര്ത്തിക്കുന്നുവെന്നും അദ്ദേഹം പറഞ്ഞു.
നരേന്ദ്ര മോദിയുടെ വ്യക്തിത്വം, നേതൃത്വശൈലി, സംവേദനക്ഷമത, പ്രവര്ത്തന നൈതികത എന്നിവയെക്കുറിച്ച് കൂടുതല് ആഴത്തില് മനസി ലാക്കാന് പുസ്തകം അവസരം നല്കുമെന്ന് ശിവരാജ് സിങ് ചൗഹാന് പറഞ്ഞു. അദ്ദേഹത്തിനൊപ്പം പ്രവര്ത്തിച്ചപ്പോള് ഉണ്ടായ അനുഭവങ്ങള്, പ്രചോദനം, ഉള്കൊണ്ട മൂല്യങ്ങള് എന്നിവയെക്കുറിച്ചും പുസ്തകത്തില് വിവരിക്കുന്നുണ്ടെന്നും ശിവരാജ് സിങ് ചൗഹാന് അറിയിച്ചു.
