ന്യൂദല്‍ഹി:ബംഗാള്‍, അസം സംസ്ഥാനങ്ങള്‍ കൂടി ബിജെപി പിടിച്ചെടുത്തതോടെ ഇന്ത്യയില്‍ ബിജെപി മുഖ്യമന്ത്രിമാരുടെ എണ്ണം 17 ആയി ഉയര്‍ന്നു. ഇന്ത്യ ഭൂപടം മൊത്തം കാവി മയമാകാന്‍ ഇനി അധികം ദൂരമില്ല. മോദിയുടെ സ്വപ്നമായ കോണ്‍ഗ്രസ് മുക്ത് ഭാരതത്തിലേക്ക് ഇനി അധികം ദൂരമില്ലെന്നര്‍ത്ഥം.
ബിജെപി ഭരിയ്‌ക്കുന്ന 17 സംസ്ഥാനങ്ങളും അവിടുത്തെ മുഖ്യമന്ത്രിമാരും
അരുണാചല്‍ പ്രദേശ് (പേമ ഖണ്ഡു), അസം(ഹിമന്ത ബിശ്വശര്‍മ്മ) , ബീഹാര്‍( സാമ്രാട്ട് ചൗധരി), ഛത്തീസ്ഗഡ്(വിഷ്ണു ദിയോ സായി), ദല്‍ഹി (രേഖാ ശര്‍മ്മ), ഗോവ (ഡോ.പ്രമോദ് സാവന്ത്), ഗുജറാത്ത് (ഭൂപേന്ദ്ര പട്ടേല്‍), മധ്യപ്രദേശ് (ഡോ. മോഹന്‍ യാദവ്), മഹാരാഷ്‌ട്ര (ദേവേന്ദ്ര ഫഡ്നാവിസ്), യുപി(യോഗി ആദിത്യനാഥ്), ഉത്തരാഖണ്ഡ് (പുഷ്കര്‍ സിങ് ധമി), ബംഗാള്‍ (സുവേന്ദു അധികാരി), ത്രിപുര (ഡോ. മണിക് സാഹ), രാജസ്ഥാന്‍(ഭജന്‍ ലാല്‍ ശര്‍മ്മ), മണിപ്പൂര്‍(യുംനം ഖേംചന്ദ് സിങ്ങ്), ഒഡിഷ (മോഹന്‍ ചരണ്‍ മാഞ്ചി), ഹരിയാന (നയാബ് സിങ്ങ് സെയ്നി) – ഇതാണ് ബിജെപി ഭരിയ്‌ക്കുന്ന 17 സംസ്ഥാനങ്ങളും അവിടുത്തെ മുഖ്യമന്ത്രിമാരും. എന്നിവിടങ്ങളിലാണ് ഇപ്പോള്‍ ബിജെപി ഭരിയ്‌ക്കുന്നത്. ഏതാനും സംസ്ഥാനങ്ങളില്‍ കോണ്‍ഗ്രസ് സര്‍ക്കാരുകളും പഞ്ചാബില്‍ ആം ആദ്മി സര്‍ക്കാരും മാത്രമാണ് മാര്‍ഗ്ഗതടസ്സമായി നില്‍ക്കുന്നത്.
പലയിടത്തും ബിജെപിയുടെ തുടര്‍ഭരണം, ഇനി ബംഗ്ലാദേശില്‍ നിന്നുള്ള അനധികൃത കുടിയേറ്റം നിര്‍ത്തും
ഇതില്‍ പല സംസ്ഥാനങ്ങളിലും ബിജെപി തുടര്‍ഭരണത്തിലാണ്. ഗുജറാത്തില്‍ കഴിഞ്ഞ 30 വര്‍ഷമായി ബിജെപി ഭരിയ്‌ക്കുന്നു. ബംഗാളിലെ വിജയത്തോടെ ബിജെപി ഏറ്റവും ഉയര്‍ന്ന കരുത്തിലാണിപ്പോള്‍. ബംഗാളും അസമും ഒന്നിച്ച് പിടിച്ചതോടെ ഇന്ത്യയുടെ ശാപമായ ബംഗ്ലാദേശില്‍ നിന്നും മ്യാന്‍മറില്‍ നിന്നുമുള്ള അനധികൃത മുസ്ലിം കുടിയേറ്റം അവസാനിപ്പിക്കാന്‍ കഴിയുമെന്ന ആത്മവിശ്വാസത്തിലാണ് ബിജെപി. ഇന്ത്യയുടെ ഏഴ് വടക്ക് കിഴക്കന്‍ സംസ്ഥാനങ്ങളിലും പല ക്രമസമാധാനപ്രശ്നങ്ങള്‍ക്കും കാരണം ബംഗാളിലൂടെയും അസമിലൂടെയും നടക്കുന്ന ഈ അനധികൃത കുടിയേറ്റമാണ്. ഇന്ത്യയുടെ മറ്റൊരു ശാപം മതപരിവര്‍ത്തനമാണ്. ഇതിനും വൈകാതെ തടയിടാനാണ് ബിജെപി നീക്കം. ഈ ലോബികള്‍ ചില രാഷ്‌ട്രീയപാര്‍ട്ടികളുമായി ചേര്‍ന്ന് ഇന്ത്യയിലുണ്ടാക്കുന്ന അസ്വാസ്ഥ്യങ്ങള്‍ ചില്ലറയല്ല.
എന്തായാലും ബംഗാളില്‍ ശക്തയായ മമതയുടെ വന്‍ഭൂരിപക്ഷത്തോടെ തോല്‍പിക്കാന്‍ കഴിഞ്ഞത് ബിജെപിയുടെ മുന്നേറ്റത്തിന് വലിയ കരുത്തായി. ആകെയുള്ള 293 സീറ്റുകളില്‍ 207 സീറ്റുകള്‍ നേടിയാണ് ബിജെപി അവിടെ ചരിത്രത്തില്‍ ആദ്യമായി ഭരണം പിടിച്ചത്. ഇവിടെ മമതയുടെ കോട്ടയായ ഭവാനിപൂരില്‍ മത്സരിച്ച് 15000 വോട്ടുകള്‍ക്ക് ജയിച്ചതോടെ ബിജെപി നേതാവ് സുവേന്ദു അധികാരി ശക്തനായ ബിജെപി മുഖ്യമന്ത്രിയായി മാറി.
അസമിലാകട്ടെ ബിജെപി തുടര്‍ച്ചയായി മൂന്നിാം തവണയാണ് ഭരണം പിടിക്കുന്നത്. 2011ല്‍ ആദ്യമായി സര്‍ബാനന്ദ സോനോവാളാണ് കോണ്‍ഗ്രസില്‍ നിന്നും ഭരണം പിടിച്ചെടുത്ത് മുഖ്യമന്ത്രിയായത്. 2016ല്‍ മുഖ്യമന്ത്രിയായ ഹിമന്ത ബിശ്വശര്‍മ്മ അതിനേക്കാള്‍ മികച്ച വിജയം നേടി 2026ല്‍ വീണ്ടും മുഖ്യമന്ത്രിയായിരിക്കുകയാണ്.
