ന്യൂദല്‍ഹി:: പശ്ചിമേഷ്യന്‍ യുദ്ധം മൂലം രാജ്യത്ത് ഇന്ധനക്ഷാമം രൂക്ഷമാകുന്ന സാഹചര്യത്തില്‍ എണ്ണ ലാഭിക്കാന്‍ തന്റെ സുരക്ഷാ വാഹനവ്യൂഹം നേര്‍പകുതിയായി വെട്ടിക്കുറച്ച മോദിയുടെ നടപടിക്ക് പിന്നാലെ കാറിന് പകരം ട്രെയിനില്‍ യാത്ര ചെയ്ത് കേന്ദ്രമന്ത്രി രാമദാസ് അത്തേവാലയും ദല്‍ഹി മന്ത്രി കപില്‍ മിശ്രയും. ഇന്ധനം ലാഭിക്കാന്‍ ദല്‍ഹി മന്ത്രി കപില്‍ മിശ്ര കാറെടുക്കാതെ ദല്‍ഹി മെട്രോയിലാണ് യാത്ര ചെയ്തത്. ഇന്ധനം ലഭിക്കാന്‍ വിധാന്‍ സഭയില്‍ നിന്നും ബികെസിയിലേക്ക് മെട്രോ ട്രെയിനിലാണ് കേന്ദ്രമന്ത്രി രാമദാസ് അത്താവലെ യാത്ര ചെയ്തത്. ഇരുവരും ഇതിന്റെ ചിത്രങ്ങള്‍ പങ്കുവെച്ചതോടെ ഇത് സമൂഹമാധ്യമങ്ങളില്‍ വൈറലായി.
ഉത്തരാഖണ്ഡില്‍ ചെലവുചുരുക്കാന്‍ 11 ഇന പദ്ധതി
ഉത്തരാഖണ്ഡ് സര്ക്കാര് ഉദ്യോഗസ്ഥരോടും സര്ക്കാര് ജീവനക്കാരോടും സര്ക്കാര് വാഹനങ്ങളുടെ ഉപഭോഗം പരമാവധി കുറയ്‌ക്കാന്‍ നിര്‍ദേശം നല്‍കി. പകരം പൊതുഗതാഗതസംവിധാനം ഉപയോഗിക്കാനും ഇലക്ട്രിക് വാഹനങ്ങള്‍ ഉപയോഗിക്കാനും നിര്‍ദേശിച്ചിട്ടുണ്ട്. വിദേശനാണയം നഷ്ടപ്പെടുത്താതിരിക്കാന്‍ വിദേശയാത്രകള്‍ ഒഴിവാക്കാനും ഉത്തരാഖണ്ഡ് സര്ക്കാര് നിര്‍ദേശിച്ചു. പെട്രോള്‍ ഡീസല്‍ ലാഭിക്കാനും വിദേശനാണ്യനഷ്ടം ഒഴിവാക്കാനും ഉദ്ദേശിച്ച് ഒരു 11ഇന നിര്‍ദേശങ്ങള്‍ പുറപ്പെടുവിച്ചിട്ടുണ്ട്.
മഹാരാഷ്‌ട്രയില്‍ ഫ്ലൈറ്റ് യാത്ര ഒഴിവാക്കാന്‍ മന്ത്രിമാര്‍ക്ക് നിര്‍ദേശം
മഹാരാഷ്‌ട്ര സര്ക്കാര് മന്ത്രിമാരോട് ഫ്ലൈറ്റ് യാത്ര ഒഴിവാക്കാന്‍ നിര്‍ദേശിച്ചു. അതുപോലെ മീറ്റിംഗുകള്‍ പരമാവധി ഓണ്‍ലൈനായി നടത്താനും നിര്‍ദേശിച്ചു.
സുരക്ഷാചുമതലയുള്ള എസ് പിജി വാഹനം വെട്ടിച്ചുരുക്കി പ്രധാനമന്ത്രി
പ്രധാനമന്ത്രിയുടെ നിർദ്ദേശത്തെ തുടർന്ന് സുരക്ഷാ ചുമതലയുള്ള എസ്പിജി വാഹനങ്ങളുടെ എണ്ണം കുറയ്‌ക്കാനുള്ള നടപടികൾ ആരംഭിച്ചു. സുരക്ഷയിൽ യാതൊരു വിട്ടുവീഴ്ചയും വരുത്താതെയായിരിക്കും ഈ നിയന്ത്രണങ്ങൾ നടപ്പിലാക്കുക. സുരക്ഷാ വ്യൂഹത്തിൽ പരമാവധി ഇലക്ട്രിക് വാഹനങ്ങൾ ഉപയോഗിക്കാനും പ്രധാനമന്ത്രി നിർദ്ദേശിച്ചിട്ടുണ്ട്. ഇതിനായി പുതിയ വാഹനങ്ങൾ വാങ്ങുന്നതിന് പകരം നിലവിലുള്ള വാഹനങ്ങളെ ഇലക്ട്രിക് സംവിധാനത്തിലേക്ക് മാറ്റാനാണ് അദ്ദേഹം ആവശ്യപ്പെട്ടിരിക്കുന്നത്.
പ്രധാനമന്ത്രിയുടെ ഈ നീക്കത്തിന് പിന്നാലെ കേന്ദ്ര സർക്കാരിന്റെ മറ്റ് മന്ത്രാലയങ്ങളിലും ഡിപ്പാർട്ട്മെന്റുകളിലും നിയന്ത്രണങ്ങൾ കൊണ്ടുവരാൻ ആലോചിക്കുന്നുണ്ട്. സർക്കാർ ജീവനക്കാരുടെ വാഹന ഉപയോഗം കുറയ്‌ക്കുന്നത് സംബന്ധിച്ച പ്രഖ്യാപനം ഉടൻ ഉണ്ടായേക്കും.
