മഞ്ചേരി: മലപ്പുറത്ത് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതിക്ക് 31 വര്ഷം കഠിന തടവ്. തിരുവാലി കൊളക്കാട്ടിരി പുല്ലുകണ്ടം മൂലത്ത് വീട്ടില് എം സഫീറിനെ(43)യാണ് മഞ്ചേരി ഫാസ്റ്റ് ട്രാക്ക് സ്പെഷ്യല് കോടതി ശിക്ഷിച്ചത്. ഇയാള്ക്ക് 50,000 രൂപ പിഴയും ചുമത്തിയിട്ടുണ്ട്. പിഴയടച്ചില്ലെങ്കില് ഒന്നര വര്ഷം അധിക കഠിന തടവ് അനുഭവിക്കണമെന്ന് കോടതി ഉത്തരവിട്ടു. കൂടാതെ വിക്ടിം കോമ്പന്സേഷന് പദ്ധതി പ്രകാരം കൂടുതല് നഷ്ടപരിഹാരം നല്കുന്നതിനായി ജില്ലാ ലീഗല് സര്വീസ് അതോറിറ്റിയോട് നിര്ദേശിച്ചിട്ടുണ്ട്.
2024ലാണ് സംഭവം നടന്നത്. പെണ്കുട്ടിയെ പ്രതി ഓട്ടോറിക്ഷയില് കയറ്റിക്കൊണ്ടുപോയി ഭീഷണിപ്പെടുത്തി പീഡിപ്പിക്കുകയായിരുന്നു. നിരന്തരം ഇത് തുടര്ന്നിരുന്നു. പിന്നാലെ വീട്ടുകാര് പൊലീസില് പരാതിപ്പെടുകയായിരുന്നു. പ്രതിയെ തവനൂര് സെന്ട്രല് ജയിലിലേക്ക് അയച്ചിട്ടുണ്ട്.
