ന്യൂദല്ഹി: കേരളത്തിലെ മുഖ്യമന്ത്രി ആരായിരിക്കുമെന്നത് സംബന്ധിച്ച പ്രഖ്യാപനം കാത്തിരിക്കെ മുന്നില് കെ സി വേണുഗോപാല് ആണെന്നാണ് വിവരം.ഹൈക്കമാന്ഡ് നേതൃത്വത്തില് നടക്കുന്ന ആലോചനകളില് കെ സി വേണുഗോപാലിനാണ് നിലവില് മുന്തൂക്കമുള്ളത്.
മുഖ്യമന്ത്രി പ്രഖ്യാപനം വൈകാതെ ഉണ്ടാകും എന്ന സൂചനകളാണ് പുറത്തുവരുന്നത്.ഇതിനുള്ള നടപടികള് ഹൈക്കമാന്ഡ് വേഗത്തിലാക്കി. ഉപമുഖ്യമന്ത്രിസ്ഥാനം ഉണ്ടാകില്ല.
മുഖ്യമന്ത്രി കെസി തന്നെ ആയേക്കും എന്ന ശക്തമായ സൂചനകളാണ് ഈ ഘട്ടത്തില് പുറത്തുവരുന്നത്. കഴിഞ്ഞ രാത്രി തന്നെ രാഹുല് ഗാന്ധിയും മല്ലിഖാര്ജുന് ഖാര്ഗെയും തമ്മില് ചര്ച്ചകള് നടന്നതായാണ് വിവരങ്ങള്.സോണിയാ ഗാന്ധിയുമായി ഇനി ചില ഔപചാരിക ചര്ച്ചകള് മാത്രമേ ഉണ്ടാകൂ. കോണ്ഗ്രസിന് അവരുടെ മുഖ്യമന്ത്രിയെ നിശ്ചയിക്കാം എന്ന നിലപാട് ഘടകകക്ഷികളും ഹൈക്കമാന്ഡിനെ അറിയിച്ചുകഴിഞ്ഞു.
മുഖ്യമന്ത്രിയെ പ്രഖ്യാപിക്കുന്നത് കേരളത്തില് വേണോ ദല്ഹിയില് വേണോ എന്നതിലും ചര്ച്ചകള് ഉണ്ട്. കേരളത്തിലാണെങ്കില് നിയമസഭാകക്ഷിയോഗം വിളിച്ച് പ്രഖ്യാപിച്ചേക്കും. ദല്ഹിയിലാണെങ്കില് മല്ലികാര്ജുന് ഖാര്ഗെയോ രാഹുല്ഗാന്ധിയോ പ്രഖ്യാപിക്കാനാണ് സാധ്യത.
