ദല്ഹി:കേരളത്തില് മുഖ്യമന്ത്രിയെ നിശ്ചയിക്കുന്നതിനുളള ചര്ച്ചകള് ദല്ഹിയില് എ ഐ സി സി അധ്യക്ഷന് മല്ലികാര്ജ്ജുന് ഖര്ഗെയുടെ വസതിയില് നിര്ണായക ഘട്ടത്തില്.ചര്ച്ചയില് രാഹുല് ഗാന്ധിയും പങ്കെടുക്കുന്നുണ്ട്.
ആദ്യ ഘട്ട ചര്ച്ചയില് രാഹുല് പങ്കെടുക്കില്ലെന്നാണ് നേരത്തെ അറിയിച്ചിരുന്നതെങ്കിലും അവസാന നിമിഷം രാഹുലും ഖര്ഗെയുടെ വസതിയിലേക്ക് എത്തി.മുഖ്യമന്ത്രി സ്ഥാനത്തിനായി ശക്തമായി രംഗത്തുള്ള എ ഐ സി സി സംഘടന ജനറല് സെക്രട്ടറി കെ സി വേണുഗോപാല്, നിലവിലെ പ്രതിപക്ഷ നേതാവ് വി ഡി സതീശന്, മുന് പ്രതിപക്ഷ നേതാവും മുതിര്ന്ന നേതാവുമായ രമേശ് ചെന്നിത്തല എന്നിവരും യോഗത്തില് പങ്കെടുക്കുന്നുണ്ട്. കെ പി സി സി നേതൃത്വം ആര്ക്കൊപ്പം എന്നറിയാന് സണ്ണി ജോസഫിനെയും ഖാര്ഗെ വിളിപ്പിച്ചിട്ടുണ്ട്.
ഭൂരിപക്ഷം എം എല് എമാരുടെ പിന്തുണ കെ സിക്കാണ്. ഘടക കക്ഷികളുടെ പിന്തുണ വി ഡി സതീശനാണ്. സീനിയോറിറ്റി പരിഗണിക്കണമെന്നാണ് ചെന്നിത്തലയുടെ ആവശ്യം.ഇതെല്ലാം കണക്കിലെടുത്ത് ഖാര്ഗെ നല്കുന്ന റിപ്പോര്ട്ട് പ്രകാരമായിരിക്കും ഹൈക്കമാന്ഡ് തീരുമാനം എടുക്കുക. രാഹുല് ഗാന്ധിയും പങ്കെടുക്കുന്നതിനാല് ഈ യോഗത്തില് തന്നെ തീരുമാനം ഉണ്ടാകുമെന്നാണ് കരുതുന്നത്.
മുഖ്യമന്ത്രി സ്ഥാനം അല്ലാത്ത നിര്ദ്ദേശം അംഗീകരിക്കില്ലെന്ന നിലപാടാണ് സതീശന് പക്ഷം സ്വീകരിച്ചിട്ടുളളത്. തീരുമാനം പ്രതികൂലമെങ്കില് കടുത്ത നിലപാടിലേക്ക് ചെന്നിത്തലയും കടക്കുമെന്ന സൂചനയാണ് പുറത്തുവരുന്നത്.മുഖ്യമന്ത്രി സ്ഥാനം കിട്ടിയില്ലെങ്കില് മന്ത്രിസഭയുടെ ഭാഗമാകില്ലെന്ന നിലപാടിലാണ് വി ഡി സതീശനും ചെന്നിത്തലയും.
