തിരുവനന്തപുരം: ഭരണം കിട്ടാന്‍ ഒരിയ്‌ക്കലും നടപ്പാക്കാന്‍ കഴിയാത്ത സൗജന്യങ്ങള്‍ പ്രകടനപത്രികയില്‍ വാരിവിതറുക, പിന്നെ കഷ്ടകാലത്തിന് ഭരണം കിട്ടിയാലോ കോണ്‍ഗ്രസ് ജനങ്ങള്‍ക്ക് മുന്നില്‍ ഭഭബ. എടുത്താല്‍ പൊന്താത്ത സൗജന്യങ്ങള്‍ വാഗ്ദാനം ചെയ്ത് ഭരണം പിടിച്ച തെലുങ്കാനയിലേകും കര്‍ണാടകയിലേയും കോണ്‍ഗ്രസ് സര്‍ക്കാരുകള്‍ അത് നടപ്പാക്കാന്‍ കഴിയാതെ വിഷമുക്കുമ്പോള്‍ ആ പട്ടികയിലേക്ക് ഇതാ കേരളത്തില്‍ നിന്നും ഒരു കോണ്‍ഗ്രസ് സര്‍ക്കാര്‍ വരുന്നു.
ഓര്‍മ്മയുണ്ടോ രാഹുല്‍ ഗാന്ധി 2024ല്‍ കേന്ദ്രഭരണം കിട്ടാന്‍ വാഗ്ദാനം ചെയ്തത് സ്ത്രീകള്‍ക്ക് ഒരു വര്‍ഷം 72000 രൂപയാണ്. ഇത് കള്ളത്തരമാണെന്ന് സ്ത്രീകള്‍ക്ക് അറിയാമെന്നതിനാല്‍ അവര്‍ അന്ന് മോദിയ്‌ക്ക് വോട്ട് ചെയ്തു. അന്ന് കോണ്‍ഗ്രസ് കേന്ദ്രത്തില്‍ അധികാരത്തില്‍ കയറിയിരുന്നെങ്കില്‍ ഇപ്പോള്‍ ഇന്ത്യ മുടിഞ്ഞേനെ എന്നാണ് ധനകാര്യവിദഗ്ധര്‍ വിലയിരുത്തുന്നത്.
ഇപ്പോള്‍ കേരളത്തില്‍ കോണ്‍ഗ്രസ് നല്‍കിയ വലിയൊരു വാഗ്ദാനത്തിന്റെ പേരില്‍ സമൂഹമാധ്യമങ്ങളില്‍ ട്രോളുകള്‍ വന്നുതുടങ്ങി. കേരളത്തിലെ സ്ത്രീകള്‍ക്ക് സൗജന്യ യാത്രയാണ് കെഎസ്ആര്ടിസി വാഗ്ദാനം ചെയ്തിരിക്കുന്നത്. ഈ തെരഞ്ഞെടുപ്പ് വാഗ്ദാനം നടപ്പാക്കിയാല്‍ കെഎസ്ആര്ടിസി അടച്ചുപൂട്ടേണ്ടിവരുമെന്ന് അന്ന് ഗതാഗതമന്ത്രി ഗണേഷ് കുമാര്‍ പറഞ്ഞപ്പോള്‍ കോണ്ഗ്രസുകാര് വീട്ടില്‍ വന്ന് പറഞ്ഞത് എന്തെന്നോ?സ്ത്രീകളുടെ ടിക്കറ്റിന്റെ പൈസ സര്‍ക്കാര്‍ കെഎസ് ആര്‍ടിസിയ്‌ക്ക് കൊടുക്കുമെന്ന്. അതായത് സ്ത്രീകള്‍ക്ക് സൗജന്യ യാത്ര നല്‍കിയതുകൊണ്ട് കെഎസ്ആര്‍ടിസ് പൂട്ടേണ്ടിവരില്ലെന്ന് പറയാനാണ് അന്ന് കോണ്ഗ്രസുകാര് ശ്രമിക്കുന്നത്. പക്ഷെ ഇപ്പോള്‍ എന്ന് മുതലാണ് ഞങ്ങളുടെ സൗജന്യ കെഎസ് ആര്‍ടിസി യാത്ര എന്ന ചോദ്യം കോണ്‍ഗ്രസുകാര്‍ക്ക് നേരെ സ്ത്രീകള്‍ ഉയര്‍ത്തുമ്പോള്‍ കോണ്ഗ്രസുകാര് ഭരണത്തിലെത്തും മുന്‍പേ വിയര്‍ത്തുതുടങ്ങി.
സാമൂഹ്യസുരക്ഷാ പെന്‍ഷന്‍ 200 രൂപയാക്കി പിണറായി ഉയര്‍ത്തിയപ്പോള്‍ തെരഞ്ഞെടുപ്പ് വാഗ്ദാനമായി അതുക്കും മേലെ എന്ന മട്ടില്‍ മാസം തോറും 3000 രൂപയാണ് കേരളത്തിലെ കോണ്‍ഗ്രസ് വാഗ്ദാനം ചെയ്തത്. വേറെയും ഉണ്ട് കുറെ സൗദന്യ വാഗ്ദാനങ്ങള്‍.
ഇനി കര്‍ണ്ണാടകയിലേയും തെലുങ്കാനയിലേയും കോണ്‍ഗ്രസിന്റെ കാര്യമെടുക്കാം.
തെലുങ്കാന സര്‍ക്കാര്‍ സാമ്പത്തിക പ്രതിസന്ധിയില്‍ നട്ടം തിരിയുന്നു
ഭരണം കിട്ടാന്‍ തെലുങ്കാനയില്‍ കോണ്‍ഗ്രസ് നല്‍കിയ ഗ്യാരണ്ടികള്‍ എന്തൊക്കെയായിരുെന്നെന്നോ? 200 യൂണിറ്റ് വരെ സൗജന്യ വൈദ്യുതി, സാമൂഹ്യസുരക്ഷാപെന്‍ഷന്‍ 4000 രൂപ, വീടുവെയ്‌ക്കാന്‍ ധനസഹായം….ഇതെല്ലാം നടപ്പാക്കാന്‍ ശ്രമിച്ച രേവന്ത് റെഡ്ഡി സര്‍ക്കാര്‍ ഇരുട്ടില്‍ തപ്പുകയാണ്. വലിയ ധനക്കമ്മിയാണ് ഈ ഗ്യാരണ്ടികള്‍ നടപ്പാക്കുക വഴി രേവന്ത് റെഡ്ഡി സര്‍ക്കാരിനുണ്ടായിരിക്കുന്നത്. ഇതില്‍ പല സൗജന്യങ്ങളും നിര്‍ത്തിയാലോ എന്നും ആലോചനയിലുണ്ട്. പക്ഷെ സൗജന്യങ്ങള്‍ ഒരിക്കല്‍ ജനങ്ങള്‍ക്ക് നേരെ എറിഞ്ഞുകൊടുത്താല്‍ പിന്നെ ജനം അത് തിരിച്ചെടുക്കാന്‍ സമ്മതിക്കില്ല.
കോണ്‍ഗ്രസ് സര്‍ക്കാര്‍ കര്‍ണ്ണാടകയില്‍ മുന്നോട്ട് പോകാനാകാതെ വിയര്‍ത്തൊലിക്കുന്നു
കര്‍ണ്ണാടകയിലും ബിജെപിയില്‍ നിന്നും അധികാരം പിടിക്കാന്‍ സൗജന്യ വൈദ്യുതി, സൗജന്യ ബസ് യാത്ര, സാമൂഹ്യസുരക്ഷാപെന്‍ഷന്‍ അക്കൗണ്ടിലേക്ക് നേരിട്ട് എന്നിങ്ങനെ കോണ്‍ഗ്രസ് വാഗ്ദാനം ചെയ്തിരുന്നു. പക്ഷെ ഇപ്പോള്‍ ആകെ ബജറ്റ് തുകയുടെ 20 ശതമാനം ഈ ഗ്യാരണ്ടികള്‍ക്ക് വേണ്ടി ചെലവഴിക്കേണ്ടിവരികയാണ്. ഏകദേശം 60,000 കോടി രൂപയാണ് വര്‍ഷം തോറും ഈ ഗ്യാരണ്ടികള്‍ക്ക് മാത്രം നീക്കിവെയ്‌ക്കേണ്ടിവരുന്നത്. ഇത് മുന്നോട്ട് പോകാന്‍ കഴിയാത്തവിധം വലിയ സാമ്പത്തികപ്രതിസന്ധിയാണ് സിദ്ധരാമയ്യ സര്‍ക്കാരിന് മുകളില്‍ തൂങ്ങുന്നത്.
