മലപ്പുറം: തവനൂര് പെരുന്തല്ലൂരില് ആടിന്റെ തലയറുത്ത് തെരഞ്ഞെടുപ്പ് വിജയാഹ്ലാദം പ്രകടിപ്പിച്ച സംഭവത്തില് തിരൂര് പൊലീസ് കേസെടുത്തു.മുസ്ലീം ലീഗ് പ്രവര്ത്തകരാണ് ആടിന്റെ തലവെട്ടി തെരഞ്ഞെടുപ്പ് വിജയം ആഘോഷിച്ച് ക്രൂരത കാട്ടിയത്.
തെളിനീര് ചിന്തകന് എന്ന ഫേസ്ബുക്ക് പ്രൊഫൈല് ഉടമക്കെതിരെയാണ് കേസ്. അനിമല് ആക്ട് പ്രകാരവും, ബിഎന്എസ് 325 (മൃഗങ്ങളെ ദ്രോഹിക്കുക) എന്നീ വകുപ്പുകളും ചേര്ത്താണ് കേസെടുത്തത്. തെളിനീര് ചിന്തകന് എന്ന ഫേസ്ബുക്ക് പ്രൊഫൈലില് ആണ് ആടിന്റെ തലയുമായി റോഡിലൂടെ നടക്കുന്ന ദൃശ്യം പുറത്തുവന്നത്.
വിശാഖ് കെ വിശ്വന് എന്നയാള് നല്കിയ പരാതിയിലാണ് കേസെടുത്തത്.സി പി എം സ്ഥാനാര്ത്ഥി കെ ടി ജലീലിന്റെ തോല്വിയാണ് മുസ്ലിംലീഗ് പ്രവര്ത്തകര് ആടിന്റെ തലവെട്ടി ആഘോഷിച്ചത്. ദൃശ്യങ്ങള് പരന്നതോടെ വിവാദമായി.
