കോട്ടയം:രാഷ്ട്രീയ പാര്ട്ടികളുടെ ആഭ്യന്തര കാര്യങ്ങളില് സഭ ഇടപെടാറില്ലെന്ന് ഓര്ത്തഡോക്സ് സഭ ഭദ്രാസന മെത്രാപൊലീത്ത ഡോ. യൂഹാനോന് മാര് ദിയസ്കോറസ്. തെറ്റിദ്ധാരണ സൃഷ്ടിക്കുന്നത് ശരിയല്ല.
കെ സി വേണുഗോപാല് മുഖ്യമന്ത്രിയാകുന്നതിന് ഓര്ത്തഡോക്സ് സഭ അനിഷ്ടം പ്രകടിപ്പിച്ചെന്ന വാര്ത്തകള് അവാസ്തവമാണെന്ന് അദ്ദേഹം പറഞ്ഞു.മുഖ്യമന്ത്രിമാരെ തിരഞ്ഞെടുക്കുന്നത് ജയിച്ച അതാത് പാര്ട്ടിയുടെ സംവിധാനത്തിനുള്ളിലാണ്. അതില് സഭകളോ സമുദായങ്ങളോ ഇടപെടാറില്ല.ആര് മുഖ്യമന്ത്രിയായാലും സഭയ്ക്ക് ബുദ്ധിമുട്ടില്ലെന്ന് ഡോ. യൂഹാനോന് മാര് ദിയസ്കോറസ് കൂട്ടിച്ചേര്ത്തു.
കോണ്ഗ്രസ് പാര്ട്ടി ഒരു നല്ല തീരുമാനം എടുക്കുമായിരിക്കും.മുഖ്യമന്ത്രി സ്ഥാനത്തിന് എന്തോ ചില ബഹളങ്ങള് നടക്കുന്ന കാഴ്ചകള് കാണുന്നുണ്ട്. അതു ശരിയാണെങ്കില്, മലയാളത്തിലെ പഴഞ്ചൊല്ലായ ആലിപ്പഴം പഴുക്കുമ്പോള് കാക്കയ്ക്ക് വായ്പ്പുണ്ണ് എന്നു പറയുന്ന അതേ പ്രവണതയാണ് .ഞങ്ങള് ജയിച്ചു എന്നതുകൊണ്ട് ഇങ്ങനെ ഓരോ വിഷയങ്ങളുണ്ടാക്കി ജനത്തെ ബുദ്ധിമുട്ടിക്കാന് പാടില്ല എന്നത് ജയിച്ചവരും മനസിലാക്കണം എന്നതു യാഥാര്ത്ഥ്യമാണെന്നാണ് നേരത്തെ ഡോ. യൂഹാനോന് മാര് ദിയസ്കോറസ് പറഞ്ഞത്.
