ചെന്നൈ: നിയമസഭാ തെരഞ്ഞെടുപ്പില് മിന്നും പ്രകടനം കാഴ്ച വച്ച് മുഖ്യമന്ത്രി ആകാനിരുന്ന വിജയോട് കേവല ഭൂരിപക്ഷം ഉറപ്പാക്കിയുള്ള കത്ത് നല്കണമെന്ന് ഗവര്ണര് ആവശ്യപ്പെട്ടതായി വാര്ത്ത.118 എം എല് എമാര് പിന്തുണയ്ക്കുന്നുവെന്ന് വ്യക്തമാക്കുന്ന കത്ത് ഹാജരാക്കണമെന്നാണ് തമിഴ്നാടിന്റെ ചുമതലയുളള കേരള ഗവര്ണര് രാജേന്ദ്ര വിശ്വനാഥ് ആര്ലേക്കര് ആവശ്യപ്പെട്ടതെന്നാണ് റിപ്പോര്ട്ട്.
കേവല ഭൂരിപക്ഷം ഉറപ്പാക്കിയാല് മാത്രമേ സത്യപ്രതിജ്ഞക്ക് അനുവാദം നല്കാനാകൂ.ഇക്കാര്യത്തില് ഗവര്ണര് നിയമോപദേശം തേടി. അറ്റോര്ണി ജനറലിന്റെ ഉപദേശമാണ് തേടിയത്.
കോണ്ഗ്രസ് പിന്തുണ പ്രഖ്യാപിച്ചതിന് പിന്നാലെ ഗവര്ണറെ കണ്ട് സര്ക്കാര് രൂപീകരണത്തിന് അവകാശവാദം ഉന്നയിച്ചിരുന്നു വിജയ്. നാളെയോ മറ്റന്നാളോ മുഖ്യമന്ത്രിയായി സത്യപ്രതിജ്ഞ ചെയ്യാനാണ് ഉദ്ദേശിച്ചിരുന്നത്.
കോണ്ഗ്രസ് പിന്തുണയ്ക്ക് പിന്നാലെ 113 എം എല് എമാര് ഒപ്പിട്ട കത്താണ് വിജയും ടി വി കെ പാര്ട്ടിയും നല്കിയത്. 234 അംഗ നിയമസഭയില് 118 എന്ന മാന്ത്രിക സംഖ്യ കടന്നാല് മാത്രമേ ഭൂരിപക്ഷമാകൂ. അഞ്ച് പേരുടെ പിന്തുണ കൂടി ഉറപ്പാക്കാനുള്ള തീവ്രശ്രമത്തിലാണ് വിജയ്.
ഡിഎംകെ സഖ്യത്തില് 28 സീറ്റുകളില് മത്സരിച്ച കോണ്ഗ്രസ് അഞ്ച് സീറ്റുകളില് വിജയിച്ചിരുന്നു.
