കോട്ടയം: നിയമസഭാ തെരഞ്ഞെടുപ്പില് കേരളാ കോണ്ഗ്രസ് -എം സംപൂജ്യരായതിന് പിന്നാലെ വീണ്ടും ഉയിര്ത്തെഴുന്നേല്ക്കുമെന്ന് ഫേസ്ബുക്കില് കുറിച്ച് നിഷ ജോസ് കെ. മാണി. പാര്ട്ടി മത്സരിച്ച 12 സീറ്റുകളിലും തോല്വിയടഞ്ഞ ശേഷമാണ് ജോസ് കെ. മാണിയുടെ ഭാര്യ ഫേസ്ബുക്ക് പോസ്റ്റിട്ടത്.
കൂടുതല് ശക്തിയോടെ ഞങ്ങള് വീണ്ടും ഉയിര്ത്തെഴുന്നേല്ക്കും.പ്രയത്നിച്ചതോ പ്രാര്ഥിച്ചതോ ആയിരുന്നില്ല തെരഞ്ഞെടുപ്പ് ഫലം. ഞാന് ജോയുടെ കൂടെ ചേര്ന്ന് നില്ക്കുന്നു. വെറുമൊരു ഭാര്യയെന്ന നിലയില്ല. അദ്ദേഹത്തില് വിശ്വാസമുള്ള ഒരാളായി. ജോയില് ഞാന് ധൈര്യം കണ്ടു, ഇത് തോല്വിയല്ല- നിഷ ഫേസ്ബുക്കില് കുറിച്ചു.
ഹൃദയത്തില് വിശ്വാസവും ഓരോ ചുവടിലും പ്രതീക്ഷയുമായാണ് ഒരുമിച്ച് ഈ യാത്ര നടന്നെത്തിയത്. ഞങ്ങളുടെ മാതാപിതാക്കളായ കുട്ടിയമ്മയുടെയും കെ.എം. മാണിയുടെയും സേവനവും വിശ്വാസവും ജനങ്ങളുമായുള്ള ബന്ധവും കെട്ടിപ്പടുത്ത പൈതൃകവുമെല്ലാം ഞങ്ങള് മുന്നോട്ട് കൊണ്ടുപോയി.
വീടും ഹൃദയവും ഞങ്ങള്ക്കായി തുറന്നു നല്കിയ എണ്ണമറ്റ ആളുകളെ കണ്ടുമുട്ടിയിട്ടുണ്ട്. അവര്ക്ക് ഞങ്ങളിലുള്ള വിശ്വാസം വിലമതിക്കാത്തതാണ്.നിങ്ങളുടെ പ്രാര്ഥനകളും പിന്തുണയും ഞങ്ങള്ക്ക് വലിയ ശക്തിയാണ്. ഇത് അവസാനമല്ല. ഒരു പുതിയ തുടക്കം മാത്രമാണെന്നും നിഷ ജോസ് കെ. മാണി കുറിച്ചു.
