ലഖ്നൗ: നിയമസഭാ തെരഞ്ഞെടുപ്പിന് മുന്നോടിയായി മന്ത്രിസഭ വിപുലീകരണം ലക്ഷ്യമിട്ട് ബിജെപി. ഈ വിപുലീകരണത്തിലൂടെ മന്ത്രിസഭയില് ദളിത്, ബ്രാഹ്മണ, ഒബിസി വിഭാഗത്തില്പ്പെട്ടവരുടെ പ്രാതിനിധ്യം ഉറപ്പാക്കുകയാണ് ലക്ഷ്യം. മെയ് എട്ടിനകം മാറ്റം നടപ്പാക്കുമെന്നാണ് റിപ്പോര്ട്ട്.
പുതിയ മന്ത്രിസഭയില് ഒരു ഡസനോളം പുതുമുഖങ്ങളെ ഉള്പ്പെടുത്തും. ഇതിലൂടെ എല്ലാ വിഭാഗങ്ങള്ക്കും പ്രതിനിധ്യം ഉറപ്പാക്കും.
കഴിഞ്ഞ ഒരു മാസമായി ബിജെപി ജനറല് സെക്രട്ടറി വിനോദ് തവ്ഡെ യുപി നേതാക്കളുമായി ചര്ച്ച നടത്തി അഭിപ്രായങ്ങള് ശേഖരിച്ച് വരികയാണ്. മുഖ്യമന്ത്രി യോഗി ആദിത്യനാഥ്, രണ്ട് ഉപമുഖ്യമന്ത്രിമാര്, മുന് പ്രസിഡന്റുമാര് എന്നിവരുമായി അദ്ദേഹം കൂടിക്കാഴ്ച നടത്തി.
അടുത്ത നിയമസഭാ തെരഞ്ഞെടുപ്പില് ഈ വിപുലീകരണം നിര്ണായകമാകും. പുതിയ പേരുകള് ഉടന് അന്തിമമാകുമെന്നാണ് ദല്ഹിയിലെ മുതിര്ന്ന നേതാക്കളുടെ ഒത്തുചേരല് സൂചിപ്പിക്കുന്നത്.
