തിരുവനന്തപുരം: നേമത്തെ ഇരട്ടപ്പൂട്ടിട്ട് പൂട്ടിയിട്ടുണ്ടെന്ന് ശിവന്കുട്ടി പറയുമ്പോള്, ശിവന്കുട്ടിയണ്ണന് നേമം പിടിക്കുമെന്ന് മുഹമ്മദ് റിയാസ് പറയുമ്പോള് നേമത്തെ മുസ്ലിം വോട്ടുകള് പൂര്ണ്ണമായും ഇടത് പെട്ടിയില് വീഴുമെന്ന് കരുതുന്നെങ്കില് തെറ്റി. മിക്ക എക്സിറ്റ് പോള് പ്രവചനങ്ങളും നേമത്ത് രാജീവ് ചന്ദ്രശേഖര് വിജയിക്കുമെന്നാണ് പറയുന്നത്.
2016ല് 8000ല്പരം വോട്ടുകള്ക്ക് രാജഗോപാല് എന്ഡിഎയ്ക്ക് വേണ്ടി തുറന്ന മണ്ഡലം 2026ല് വീണ്ടും രാജീവ് ചന്ദ്രശേഖര് തുറക്കുമെന്ന് മനോരമ പോലും പ്രവചിക്കുന്നു. പീപ്പിള്സ് ഇന്സൈറ്റ് രാജീവ് ചന്ദ്രശേഖറും ശവിന്കുട്ടിയും തമ്മില് ബലാബലമാണെന്ന് പറയുന്നു.
തിരുവനന്തപുരം സെന്ട്രലില് ബിജെപി സ്ഥാനാര്ത്ഥിക്ക് വന്ജയമാണ് പീപ്പിള്സ് ഇന്സൈറ്റ് പ്രവചിക്കുന്നത്. ഏകദേശം 35.04 ശതമാനം കരമന ജയന് ലഭിക്കുമ്പോള് രണ്ടാം സ്ഥാനത്തുള്ള എല്ഡിഎഫ് സ്ഥാനാര്ത്ഥി സി.പി. ജോണിന് ലഭിക്കുക 30.58 ശതമാനം മാത്രം. മനോരമ ഉള്പ്പെടെയുള്ളവര് ബലാബലമാണ് കരമന ജയനും സി.പി. ജോണും തമ്മില് പ്രവചിക്കുന്നത്.
ചാത്തന്നൂരില് വന് അട്ടിമറിയാണ് പ്രവചിക്കുന്നത്. ഇവിടെ ബി.ബി. ഗോപകുമാര് വിജയിക്കുമെന്നാണ് പ്രവചനം. ഇവിടെ ബിജെപി സ്ഥാനാര്ത്ഥി 37.12 ശതമാനം വോട്ടുകള് നേടി ഒന്നാം സ്ഥാനത്ത് വരുമ്പോള് രണ്ടാം സ്ഥാനത്ത് വരുന്ന എല്ഡിഎഫ് സ്ഥാനാര്ത്ഥിക്ക് ലഭിക്കുക 33.12 ശതമാനം വോട്ടുകള് മാത്രം.കഴിഞ്ഞ രണ്ട് തവണ ചാത്തന്നൂരില് രണ്ടാം സ്ഥാനത്ത് എന്ഡിഎ വന്നിട്ടുണ്ട്. ഇത് തന്നെയാണ് എന്ഡിഎയുടെ പ്രതീക്ഷ.
കഴക്കൂട്ടം മണ്ഡലത്തില് വി. മുരളീധരന് വിജയസാധ്യത മനോരമ ഉള്പ്പെടെ പ്രവചിക്കുന്നു. പീപ്പിള്സ് ഇന്സൈറ്റും നേര്ക്കുനേര് പോരാട്ടമാണ് പ്രവചിക്കുന്നത്. എങ്കിലും മറ്റ് പല എക്സിറ്റ് പോളുഖലും മുരളീരന്റെ വിജയം പ്രവചിക്കുന്നു.
