ടെൽ അവീവ് : ഇസ്രയേലിന് 6500 ടൺ ആയുധങ്ങൾ എത്തിച്ചതായി റിപ്പോർട്ടുകൾ. അമേരിക്കയുടെ ഈ നീക്കം ഇറാനെതിരായ സൈനിക നടപടിയുടെ ഭാഗമാണെന്ന് കരുതപ്പെടുന്നു. 24 മണിക്കൂറിനുള്ളിൽ രണ്ട് ചരക്ക് കപ്പലുകളിലും നിരവധി വിമാനങ്ങളിലുമായി ഈ ആയുധങ്ങൾ എത്തിയതായി ഇസ്രയേൽ പ്രതിരോധ മന്ത്രാലയം സ്ഥിരീകരിച്ചു.
ഇതിൽ വായുവിലും കരയിലും ഉപയോഗിക്കുന്ന ആയുധങ്ങൾ, സൈനിക വാഹനങ്ങൾ, ജോയിന്റ് ലൈറ്റ് ടാക്റ്റിക്കൽ വെഹിക്കിൾസ് (JLTVs) എന്നിവ ഉൾപ്പെടുന്നു. ഇറാനുമായുള്ള സംഘർഷം ആരംഭിച്ചതുമുതൽ ഇസ്രയേലിന് 1,15,600 ടണ്ണിലധികം സൈനിക ഉപകരണങ്ങൾ അമേരിക്ക കൈമാറിയിട്ടുണ്ട്.
ഇറാനെതിരായ സൈനിക നടപടിയുടെ ഭാഗമായി ഇസ്രയേലിന് ആയുധങ്ങൾ എത്തിക്കുന്നത് തുടരുമെന്ന് അമേരിക്ക വ്യക്തമാക്കിയിട്ടുണ്ട്. ഇതിന്റെ പശ്ചാത്തലത്തിൽ പശ്ചിമേഷ്യയിൽ വീണ്ടും യുദ്ധഭീതി ഉയരുകയാണ്.
