തിരുവനന്തപുരം: കേരളത്തില്‍ ബിജെപി ഈ നിയമസഭാ തെരഞ്ഞെടുപ്പില്‍ താമരക്കൂട്ടങ്ങള്‍ തന്നെ വിരിയിക്കുമെന്ന് പ്രഖ്യാപിച്ച് പീപ്പിള്‍സ് ഇന്‍സൈറ്റ് (Peoples Insight)എക്സിറ്റ് പോള്‍ ഫലം. ബിജെപി 14 സീറ്റുകള്‍ വരെ നേടുമെന്നാണ് ഈ എക്സിറ്റ് പോള്‍ ഫലം സൂചിപ്പിക്കുന്നത്.
നേരിയ മാര്‍ജിനില്‍ ഭരണം യുഡിഎഫ് തന്നെ പിടിക്കുമെന്നും ഈ സര്‍വ്വേ പറയുന്നു. യുഡിഎഫ് 66 മുതൽ 76 സീറ്റുകൾ വരെ നേടി അധികാരം പിടിച്ചെടുക്കുമെന്നാണ് പ്രവചനം. എന്നാൽ, ഈ തിരഞ്ഞെടുപ്പിലെ ഏറ്റവും വലിയ അട്ടിമറി നടക്കാൻ പോകുന്നത് എൻഡിഎയുടെ പ്രകടനത്തിലാണെന്ന് സർവ്വേ അവകാശപ്പെടുന്നു. നിയമസഭയിൽ ബിജെപി നയിക്കുന്ന എൻഡിഎ സഖ്യം 10 മുതൽ 14 സീറ്റുകൾ വരെ നേടുമെന്നാണ് റിപ്പോർട്ട്.
ഇതോടെ കേരള രാഷ്‌ട്രീയത്തിലെ നിർണ്ണായക ശക്തിയായി ബിജെപി ഉയരും. കഴിഞ്ഞ ലോക്സഭാ തിരഞ്ഞെടുപ്പിലും തദ്ദേശ സ്വയംഭരണ തിരഞ്ഞെടുപ്പിലും ബിജെപി കാഴ്ചവെച്ച മുന്നേറ്റം ഈ നിയമസഭ തെരഞ്ഞെടുപ്പിലും പ്രതിഫലിക്കുമെന്നാണ് കണക്കുകൾ വ്യക്തമാക്കുന്നത്.
