മലപ്പുറം:പൊന്നാനി ബീച്ചില് കണ്ടെത്തിയ മൃതദേഹം പൊന്നാനി സ്വദേശിനി ഫാത്തിമ (22)യുടേതെന്ന് തിരിച്ചറിഞ്ഞു. പൊന്നാനി ഹാര്ബര് പരിസരത്താണ് യുവതിയുടെ മൃതദേഹം കണ്ടെത്തിയത്. കമിഴ്ന്നു കിടക്കുന്ന നിലയിലാണ് മൃതദേഹം.മരണത്തില് അസ്വഭാവികതയുണ്ടെന്ന് പൊലീസ് പറഞ്ഞു.
യുവതിയും ഭര്ത്താവും ഒരുമിച്ചാണ് കഴിഞ്ഞ ദിവസം ബീച്ചിലെത്തിയത്. ഭര്ത്താവ് മുഹമ്മദിനെ പൊലീസ് കസ്റ്റഡിയിലെടുത്തു. പരപ്പനങ്ങാടിയിലെ റെയില്വേ ട്രാക്കിന് സമീപം നിന്നാണ് ഇയാളെ കസ്റ്റഡിയിലെടുത്തത്.ട്രെയിനിന് മുന്നില് ചാടി ജീവനൊടുക്കാനുള്ള ശ്രമത്തിലായിരുന്നു ഇയാളെന്ന് പൊലീസ് പറഞ്ഞു.സംശയം ആണ് ഇയാള് ഭാര്യയെ കൊലപ്പെടുത്താന് കാരണമെന്നും പൊലീസ് കൂട്ടിച്ചേര്ത്തു.
സംഭവത്തില് നിലവില് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്. ഇന്നലെ രാത്രി പത്തുമണിയോടെ മൃതദേഹം കണ്ടെത്തിയ സ്ഥലത്ത് യുവതിയെ കണ്ടവരുണ്ട്.
