തിരുവനന്തപുരം: സംസ്ഥാനത്ത് മിൽമ പാലിന് ലിറ്ററിന് നാലു രൂപ കൂട്ടാൻ ഡയറക്ടർ ബോർഡ് യോഗത്തിൽ ശുപാർശ. വിലകൂട്ടാൻ സർക്കാർ അനുമതി നൽകിയിട്ടുണ്ടായിരുന്നു. ലീറ്ററിന് നാല് രൂപ മുതല് ആറ് വരെ കൂട്ടണമെന്നായിരുന്നു മില്മയുടെ ശുപാര്ശ. തെരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നതിനാല് വര്ധന നടപ്പാക്കാന് തിരഞ്ഞെടുപ്പ് കമ്മിഷന്റെ അനുമതിയും തേടിയിട്ടുണ്ട്.
മില്മയ്ക്ക് നേരിട്ട് പാല്വില കൂട്ടാനുള്ള അധികാരമുണ്ടെന്ന് ഹൈക്കോടതി ഉത്തരവിട്ടിരുന്നെങ്കിലും സര്ക്കാരിന്റെ അനുമതിയോടെ മാത്രമേ വിലവര്ധന നടപ്പാക്കാനാവൂ എന്നായിരുന്നു ചെയര്മാന്റെ നിലപാട്. ആറ് മാസം മുന്പ് വില കൂട്ടാന് മില്മ തീരുമാനിച്ചെങ്കിലും തദ്ദേശ, നിയമസഭ തിരഞ്ഞെടുപ്പ് കണക്കിലെടുത്ത് സര്ക്കാര് അനുമതി നല്കിയിരുന്നില്ല.
സർക്കാർ പ്രതിനിധികൾ കൂടി ഉൾപ്പെടുന്ന മിൽമ ഡയറക്ടർ ബോർഡ് ഇക്കാര്യം പ്രഖ്യാപിച്ചാൽ അത് പെരുമാറ്റച്ചട്ടത്തിന്റെ പരിധിയിൽ വരുമെന്നാണ് വിലയിരുത്തൽ. അതിനാൽത്തന്നെ തെരഞ്ഞെടുപ്പ് നടപടിക്രമങ്ങൾ പൂർത്തിയാകുകയും വോട്ടെണ്ണലിനു ശേഷം ഫലം ഔദ്യോഗികമായി പ്രഖ്യാപിക്കുന്നത് വരെയും വിലവർധനയിൽ തീരുമാനം പ്രഖ്യാപിക്കാൻ ആകില്ലെന്നാണ് ബന്ധപ്പെട്ട വൃത്തങ്ങൾ നൽകുന്ന സൂചന.
