വിശദവിവരങ്ങള് https://admissions.uoc.ac.in- ല് ലഭിക്കും
കാലിക്കറ്റ് സര്വ്വകലാശാല കോമേഴ്സ് ആന്റ് മാനേജ്മെന്റ് സ്റ്റഡീസ് പഠന വകുപ്പ്, സ്വാശ്രയ സെന്ററുകള്, സ്വാശ്രയ കോളേജുകള് 2026 വര്ഷം നടത്തുന്ന എംബിഎ പ്രവേശനത്തിന് ഓണ്ലൈനില് ഏപ്രില് 30 വൈകിട്ട് 5 മണിവരെ അപേക്ഷ സ്വീകരിക്കും. അപേക്ഷാ ഫീസ് 1020 രൂപ. പട്ടികജാതി/വര്ഗ്ഗ വിഭാഗത്തിന് 350 രൂപ മതി. സര്വ്വകലാശാല ഫണ്ടിലേക്ക് ഇ-പെയ്മെന്റായി ഫീസ് അടക്കാം.
പ്രവേശന വിജ്ഞാപനം, പ്രോസ്പെക്ടസ് https://admissions.uoc.ac.in- ല് ലഭിക്കും. നാല് സെമസ്റ്ററുകളായുള്ള രണ്ട് വര്ഷത്തെ എംബിഎ, എംബിഎ ഹെല്ത്ത് കെയര് മാനേജ്മെന്റ്, എംബിഎ ഇന്റര്നാഷണല് ഫിനാന്സ് കോഴ്സുകളിലാണ് അവസരം.
യോഗ്യത: ഏതെങ്കിലും ഡിസിപ്ലിനില് മൊത്തം 50 ശതമാനം മാര്ക്കില് കുറയാതെ ബിരുദം. ഫലം കാത്തിരിക്കുന്നവര്ക്കും അപേക്ഷിക്കാം.
ഐഐഎം ക്യാറ്റ്-നവംബര് 2025/കെമാറ്റ് 2026/സിമാറ്റ് 2026 സ്കോര് നേടിയിരിക്കണം. അപേക്ഷാ സമര്പ്പണത്തിനുള്ള നിര്ദ്ദേശങ്ങള് പ്രോസ്പെക്ടസിലുണ്ട്.
സെലക്ഷന്: സിമാറ്റ്/കെമാറ്റ്/ക്യാറ്റ് സ്കോര്, ഗ്രൂപ്പ് ചര്ച്ച, പേഴ്സണല് ഇന്റര്വ്യു, പ്ലസ്ടു പരീക്ഷയുടെ മാര്ക്ക് എന്നിവ പരിഗണിച്ചാണ് തെരഞ്ഞെടുപ്പ്.
വിവിധ അണ് എയിഡഡ്/സ്വാശ്രയ സ്ഥാപനങ്ങളിലായി എംബിഎ പ്രോഗ്രാമുകളില് 870 സീറ്റുകളിലും സ്കൂള് ഓഫ് മാനേജ്മെന്റ് സ്റ്റഡീസ്, കാലിക്കറ്റ് സര്വകലാശാലയുടെ കീഴില് ഫുള്ടൈം/പാര്ട്ട്ടൈം ഉള്പ്പെടെ വിവിധ എംബിഎ പ്രോഗ്രാമുകളില് 330 സീറ്റുകൡലുമാണ് പ്രവേശനം.
കോഴ്സ് ഫീസ്: വാഴ്സിറ്റിയുടെ കോമേഴ്സ് ആന്റ് മാനേജ്മെന്റ് സ്റ്റഡീസ് പഠന വകുപ്പില് സെമസ്റ്റര് ട്യൂഷന് ഫീസ് 10595 രൂപയും സ്കൂള് ഓഫ് മാനേജ്മെന്റ് സ്റ്റഡീസില് സെമസ്റ്റര് ട്യൂഷന് ഫീസ് 28,655 രൂപയുമാണ്.
എന്നാല് അണ്എയിഡഡ്/സ്വാശ്രയ കോളേജുകളില് സെമസ്റ്റര് ട്യൂഷന് ഫീസ് 46000 മുതല് 78000 രൂപവരെയാണ് നല്കേണ്ടത്. ഓരോ സ്ഥാപനത്തിലെയും ഫീസ് നിരക്കുകള്, സീറ്റുകളിലെ സംവരണം അടക്കമുള്ള വിവരങ്ങള് പ്രോസ്പെക്ടസിലുണ്ട്.
