കോഴിക്കോട്: കാലിക്കറ്റ് സര്വകലാശാലയില് ജ്യോതിഷം സംബന്ധിച്ച പഠനവും ഗവേഷണവും വേണ്ടെന്ന എഫ്വൈയുജിപി സ്റ്റിയറിങ് കമ്മിറ്റി യുടെ തീരുമാനം പുനഃപരിശോധിക്കണമെന്ന് സിന്ഡിക്കേറ്റ് അംഗം എ.കെ. അനുരാജ്. ജ്യോതിഷ കോഴ്സുകളും ഗവേഷണവും ആരംഭിക്കു ന്നതിനാവശ്യമായ നടപടികള് സ്വീകരിക്കണമെന്നും വൈസ് ചാന്സലര് പ്രൊഫ. പി. രവീന്ദ്രന് നല്കിയ കത്തില് അനുരാജ് ആവശ്യപ്പെട്ടു.
ജ്യോതിഷം ശാസ്ത്രമായി കാണാന് സാധിക്കില്ലെന്നും അതിനാല്, ജ്യോതിഷവും ജ്യോതിശാസ്ത്രവും ബന്ധിപ്പിച്ച് കോഴ്സുകള് ആരംഭിക്കേണ്ടതില്ലെന്നും എഫ്വൈയുജിപി സ്റ്റിയറിങ് കമ്മിറ്റി തീരുമാനിച്ചതായി വാര്ത്ത പുറത്തുവന്നിരുന്നു. ഇതിനെതുടര്ന്നാണ് ഈ വിഷയത്തില് കത്ത് നല്കിയത്. ജ്യോതിഷപഠനത്തിനും ഗവേഷണ ത്തിനും കേരളത്തില് ദീര്ഘമായ അക്കാദമിക പാരമ്പര്യമുണ്ടെന്നും ഈ വിഷയത്തിന് ദേശീയ-അന്തര്ദേശീയ തലങ്ങളില് അംഗീകാരവും പഠന-ഗവേഷണ സാധ്യതകള് വര്ധിച്ചുവരികയാണെന്നും വൈസ് ചാന്സലര്ക്ക് നല്കിയ കത്തില് അനുരാജ് ചൂണ്ടിക്കാട്ടി.
കേരള, എംജി തുടങ്ങിയ സര്വകലാശാലകളില് ജ്യോതിഷത്തില് പിജി, പിഎച്ച്ഡി തലങ്ങളില് പഠനവും ഗവേഷണവും നടക്കുന്നുണ്ടെന്നും കത്തില് ചൂണ്ടിക്കാട്ടുന്നു. കേന്ദ്രസര്ക്കാരിന്റെ വിദ്യാഭ്യാസ നയങ്ങളും ഭാരതീയ വിജ്ഞാന സമ്പ്രദായത്തിന് പ്രാധാന്യം നല്കിവരുന്ന സാഹചര്യത്തില്, ജ്യോതിഷപഠനം പിന്വലിക്കുന്നത് സര്വകലാശാലയുടെ അക്കാദമിക മുന്നേറ്റത്തിന് തിരിച്ചടിയാകും.
വിദ്യാര്ത്ഥികള്ക്കും ഗവേഷകര്ക്കും അക്കാദമിക സമൂഹത്തിനും ദോഷകരമായ തീരുമാനം പിന്വലിച്ച് ജ്യോതിഷ പഠനവും ഗവേഷണവും ശക്തിപ്പെടുത്തേണ്ടത് അക്കാദമിക സമൂഹത്തിന്റെ ഉത്തരവാദിത്തമാണെന്നും അതിനായി സത്വരനടപടികള് സ്വീകരിക്കണമെന്നും അനുരാജ് ആവശ്യപ്പെട്ടു.
