കോഴിക്കോട് : മുഖ്യമന്ത്രി ചര്‍ച്ചകളില്‍ പരസ്യപ്രസ്താവനകള്‍ നേതൃത്വം വിലക്കിയിട്ടും കൂസലില്ലാതെ കോണ്‍ഗ്രസുകാര്‍.വി ഡി സതീശനെ അനുകൂലിച്ച് കോഴിക്കോടും മലപ്പുറത്തും ഫ്ളക്സ് പ്രത്യക്ഷപ്പെട്ടതാണ് ഒടുവിലത്തെ സംഭവം.ടൂര്‍ണമെന്റ് ജയിച്ചാല്‍ കപ്പ് വാങ്ങുന്നത് ക്യാപ്റ്റന്‍. സെലക്ടറും പരിശീലകനും വാങ്ങുന്നത് എതിര്‍പ്പിനിടയാക്കും. നിലപാടുകളുടെ രാജകുമാരന്‍, മതേതര കേരളത്തിന്റെ വാഗ്ദാനം വി ഡി സതീശന്‍ എന്നാണ് സേവ് കോണ്‍ഗ്രസ് ഫോറത്തിന്റെ പേരിലുളള കോഴിക്കോട്ടെ ഫ്ളക്സ്. കോഴിക്കോട് ഡിസിസി ഓഫീസിന് സമീപമാണ് ഫ്ളക്സ് സ്ഥാപിച്ചത്
നിയുക്ത മുഖ്യമന്ത്രിയെന്ന് വിശേഷിപ്പിച്ച് മലപ്പുറത്തും വിഡി സതീശനായി ഫ്ളക്സ് ബോര്‍ഡ് ഉയര്‍ന്നു. എറണാകുളം ഡിസിസി ഓഫീസിന് എതിര്‍വശത്ത് വിഡി സതീശനെ എതിര്‍ത്തും രമേശ് ചെന്നിത്തലയെ അനുകൂലിച്ചും ഫ്ളക്സ് ബോര്‍ഡ് സ്ഥാപിച്ചു. ഇതിനിടെ രമേശ് ചെന്നിത്തല ദല്‍ഹിയിലെത്തി.
മഹാരാഷ്‌ട്രയിലെ ഡിസിസി അധ്യക്ഷ തിരഞ്ഞെടുപ്പ് ചര്‍ച്ചകള്‍ക്കായാണ് രമേശ് ചെന്നിത്തല ദല്‍ഹിയില്‍ എത്തിയത്. സംഘടനാചര്‍ച്ചകള്‍ക്കിടയില്‍എഐസിസി അധ്യക്ഷന്‍മല്ലികാര്‍ജുന്‍ ഖര്‍ഗെയുമായി ചെന്നിത്തല കൂടിക്കാഴ്ചനടത്തുമെന്നാണ് സൂചന. മുഖ്യമന്ത്രി സ്ഥാനത്തേക്ക് പിന്തുണ തേടിയാകും കൂടിക്കാഴ്ച.
