കൊച്ചി: കൊച്ചിയില് ഡിജെ പാര്ട്ടികള്ക്ക് നിയന്ത്രണം. രാത്രി 11ന് തന്നെ ഡിജെ പാര്ട്ടികള് അവസാനിപ്പിക്കണമെന്ന് എസിപി സെന്ട്രല് നിര്ദേശം ഇറക്കി.
കൊച്ചി സെന്ട്രല് സബ് ഡിവിഷന് പരിധിയില് ആണ് നിയന്ത്രണം ഏര്പ്പെടുത്തിയത്.സര്ക്കാര് അനുവദിച്ച സമയമായ 12 മണിക്ക് തന്നെ ബാറുകള് അടക്കയ്ണം.കൊച്ചി നഗരത്തില് നിലവില് 12 മണി വരെയാണ് പ്രവര്ത്തനാനുമതി ഉള്ളത്. എന്നാല് പലപ്പോഴും ഡി ജെ പാര്ട്ടികള് പുലര്ച്ചെ വരെ നീളുന്നുണ്ട്.
ഇതില് പൊലീസിന് വ്യാപക പരാതി ലഭിച്ചിട്ടുണ്ട്. ക്രമസമാധാന പ്രശ്നമുണ്ടാകുന്നുവെന്നതിനാലാണ് നിയന്ത്രണമെന്നാണ് പൊലീസ് പറയുന്നത്.
