കൊട്ടിയം: വേനല്ച്ചൂടിന്റെ കാഠിന്യമകറ്റാന് വഴി യാത്രക്കാര്ക്ക് ശീതളപാനീയവും ജ്യൂസും വിതരണം ചെയ്ത് നവദമ്പതികള് മാതൃകയായി. വിവാഹവേഷത്തില് വധൂവരന്മാര് ജ്യൂസ് വിതരണം നടത്തിയത് വഴിയാത്രക്കാര്ക്ക് കൗതുക കാഴ്ചയായി.
മേവറത്ത് ബൈപാസ് റോഡില് തിങ്കളാഴ്ച ഉച്ചയ്ക്കായിരുന്നു വേറിട്ട കാഴ്ച അരങ്ങേറിയത്. മയ്യനാട് ഗ്രാമപഞ്ചായത്ത് പ്രസിഡന്റ് ഉമയനല്ലൂര് റാഫിയുടെ മകള് ഐഷാറാഫിയും ഉമയനല്ലൂര് കടുവനായില് കബീറിന്റെ മകന് ഡോ. മുഹമ്മദ് അസ്ലമും തമ്മിലുള്ള വിവാഹം മേവറം ബൈപാസിലുള്ള സ്വകാര്യ കണ്വെന്ഷന് സെന്ററില് വച്ചാണ് നടന്നത്.
വിവാഹ വേഷത്തില് വധൂവന്മാര് വഴിയാത്രക്കാര്ക്ക് ജ്യൂസ് നല്കാന് എത്തുകയായിരുന്നു. നിരവധി പേരാണ് ദാഹമകറ്റാന് എത്തിയത്. വധുവിന്റെ മാതാപിതാക്കളും വരന്റെ ബന്ധുക്കളും ചടങ്ങില് പങ്കെടുത്തു.
