കോഴിക്കോട്: നാദാപുരം തൂണേരിയില് ആര്എംപി പ്രവര്ത്തകന്റെ വീട്ടിലെ കിണറ്റില് ശുചിമുറി മാലിന്യം തള്ളി. തൂണേരി ചെക്കായിപ്പിടികയ്ക്കു സമീപം തുമ്പോളിപ്പൊയില് മനോജന്റെ വീട്ടിലെ കിണറിലാണ് ശുചിമുറി മാലിന്യം നിക്ഷേപിച്ചത്.സംഭവത്തില് കേസെടുത്ത് പൊലീസ് അന്വേഷണം തുടങ്ങി.
വേനല് കാലത്ത് പ്രദേശവാസികള് ആശ്രയിക്കുന്ന കിണറ്റിലാണ് മനുഷ്യ വിസര്ജ്യം തളളിയത്. മനോജനും അടുത്തുള്ള സഹോദരന്റെ കുടുംബവും ഉപയോഗിക്കുന്ന കിണറാണിത്.
നിയമസഭാ തെരഞ്ഞെടുപ്പില് യുഡിഎഫിന് വേണ്ടി പ്രവര്ത്തിച്ചതിലെ രാഷ്ട്രീയ വിരോധമാണ് കാരണമെന്ന് യുഡിഎഫും കെകെ രമ എംഎല്എയും പറഞ്ഞു. ആര്എംപി രൂപീകരണം മുതല് സംഘടനയുടെ ഭാഗമാണ് മനോജന്.ഇതിന്റെ പ്രതികാരമാണ് സംഭവത്തിന് പിന്നിലെന്ന് യുഡിഎഫ് നേതാക്കള് ആരോപിച്ചു.
