കോട്ടയം: സ്വാമി വിവേകാനന്ദനെയും ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനേയും സാമൂഹികമാധ്യമത്തിലൂടെ അധിക്ഷേപിക്കുകയും വികലമായി ചിത്രീകരിക്കുകയും ചെയ്ത ബാലരമയിലെ മുന് ചിത്രകാരന് രാജീവ് പള്ളിക്കോണം മാപ്പുപറഞ്ഞ് രംഗത്ത്. ഈ ചിത്രത്തിനെതിരെ കേസെടുക്കാന് ഉത്തര്പ്രദേശ് സര്ക്കാര് ആലോചിക്കുന്നതായി വാര്ത്ത വന്നയുടനെയാണ് ചിത്രകാരന് മാപ്പുമായി രംഗത്ത് വന്നത്.
ഇതോടെ സമൂഹമാധ്യമങ്ങളില് ഇയാള്ക്കെതിരെ ശക്തമായ വിമര്ശനം ഉയരുകയാണ്. എന്താ യോഗിയെ പേടിച്ചിട്ടാണോ പെട്ടെന്ന് മാപ്പ് പറഞ്ഞതെന്നാണ് പരിഹാസം.
ഇത്തരമൊരു ചിത്രം സൃഷ്ടിച്ചതിന് ഇയാള്ക്കെതിരെ വിശ്വഹിന്ദു പരിഷത്ത് പ്രതിഷേധ മാര്ച്ച് സംഘടിപ്പിച്ചിരുന്നു. സമൂഹമാധ്യമങ്ങളില് ഈ ചിത്രത്തിനെതിരെ ശക്തമായ വിമര്ശനം ഉയര്ന്നിരുന്നു. ഇതോടെയാണ് മാപ്പുമായി രാജീവ് പള്ളിക്കോണം രംഗത്ത് വന്നത്.
ഇത് തന്റെ സൃഷ്ടിയല്ലെന്ന വിചിത്രവാദവുമായാണ് രാജീവ് പള്ളിക്കോണം രംഗത്തെത്തിയിരിക്കുന്നത്. പകരം ഇത് എഐയില് സൃഷ്ടിച്ച ചിത്രമാണെന്നും ഇത് പങ്കുവെയ്ക്കുക മാത്രമേ താന് ചെയ്തുള്ളൂവെന്നും ആണ് ഫെയ്സ്ബുക്കില് പങ്കുവെച്ച മാപ്പില് രാജീവ് പള്ളിക്കോണത്തിന്റെ അവകാശവാദം.
മുല്ലപ്പൂമ്പൊടിയേറ്റ് കിടക്കും…എന്ന രീതിയിലും ചിത്രകാരനെതിരെ പരിഹാസം ഉയരുന്നുണ്ട്. മനോരമയുടെ പ്രസിദ്ധീകരണമായ ബാലരമയില് ജോലി ചെയ്താല് ഇങ്ങിനെയേ വരയ്ക്കൂ എന്നതില് സംശയമില്ലെന്നാണ് ചിലരുടെ പരിഹാസം.
