ന്യൂദല്ഹി: ഇറാനെതിരെ അമേരിക്കയും ഇസ്രയേലും വലിയ യുദ്ധത്തില് ഏര്പ്പെട്ടിരിക്കുമ്പോള് വടക്കന് കൊറിയ അമേരിക്കയ്ക്ക് ഭീഷണിയായി തുടര്ച്ചായി മിസൈല് പരീക്ഷണം നടത്തിക്കൊണ്ടിരിക്കുമ്പോള് എന്തിനാണ് ദക്ഷിണ കൊറിയയുടെ പ്രസിഡന്റ് ഇന്ത്യയിലേക്ക് കുതിച്ചുപാഞ്ഞുവന്നത്? ഇതിന് പിന്നില് വലിയൊരു അടിയന്തരതീരുമാനത്തിന്റെ സമ്മര്ദ്ദമുള്ളതായി പറയുന്നു.
അതാണ് മോദിയും ദക്ഷിണകൊറിയന് പ്രസിഡന്റ് ലീ ജെയ് മ്യൂങ്ങും തമ്മിലുള്ള കൂടിക്കാഴ്ചയില് ഈ വലിയ തീരുമാനത്തിന്റെ അടിത്തറയാണ് ഒരുങ്ങിയത് എന്ന് പറയുന്നു. അമേരിക്കയും ചൈനയുമായുള്ള യുദ്ധം അടുത്ത നാളുകള് തുറന്ന യുദ്ധമായി മാറാന് പോകുന്നുവെന്നത് ഇറാന് യുദ്ധം തെളിയിച്ചുകഴിഞ്ഞു. ഇറാന് വേണ്ടി മിസൈലുകള് നല്കുന്നതും ഇറാന് മിസൈലുകള്ക്ക് അമേരിക്കയുടെ സൈനികകേന്ദ്രങ്ങള് തകര്ക്കാനുള്ള ഉപഗ്രഹ-ജിപിഎസ് സഹായങ്ങള് ഒരുക്കുന്നതും ചൈനയാണെന്നത് തെളിഞ്ഞുകഴിഞ്ഞു.ഇതിനെതിരെ ശക്തമായ താക്കീതും ട്രംപ് നല്കിക്കഴിഞ്ഞു.
ഇതോടെ ഭാവിയില് ചൈനയും യുഎസും തമ്മിലുള്ള വ്യാപാരയുദ്ധം മൂക്കും. ഇത് ദക്ഷിണകൊറിയയ്ക്ക് വലിയ തിരിച്ചടിയാകും. കാരണം ദക്ഷിണകൊറിയയിലെ കമ്പനികളായ സാംസങ്ങും എല്ജിയും ഹ്യൂണ്ടായും കിയയും ഹൈനിക്സും എല്ലാം അവരുടെ ഉല്പാദനത്തിന്റെ 60 ശതമാനം നടത്തുന്നത് ചൈനയിലാണ്. യുഎസ് ചൈനാബന്ധം ഉലഞ്ഞാല് പിന്നെ ചൈനയില് ഉല്പാദനം നടത്താന് പറ്റില്ല.
ഇന്നത്തെ നിലയില് ദക്ഷിണകൊറിയയ്ക്ക് വിശ്വസ്തരായ ഉല്പാദന പങ്കാളി ഇന്ത്യയാണ്. പുതിയ സാഹചര്യത്തില് ഈ ഉല്പന്നങ്ങളുടെ ഉല്പാദനം ഇന്ത്യയിലേക്ക് മാറ്റാന് ദക്ഷിണകൊറിയ ആലോചിക്കുകയാണ്. അതിന്റെ ഭാഗമായാണ് ദക്ഷിണകൊറിയന് പ്രസിഡന്റ് ലീ ജെയ് മ്യൂങ്ങ് ഇന്ത്യയിലേക്ക് പാഞ്ഞെത്തിയത്. ഇത് ഇന്ത്യയെ ഉല്പാദനരംഗത്ത് വലിയ ശക്തിയായി ഉയര്ത്തുമെന്ന് കരുതപ്പെടുന്നു.
