ഹോര്സെന്: ഊബര് കപ്പിനിറങ്ങിയ ഭാരത്തിതന് ആദ്യമത്സരത്തില് തോല്വി. പി.വി. സിന്ധു നേരിട്ടുള്ള ഗെയിം വിജയത്തോടെ മികച്ച തുടക്കമാണ് നല്കിയത്. പക്ഷെ മറ്റ് താരങ്ങളെല്ലാം പരാജയപ്പെടുകയായിരുന്നു. ആതിഥേയരായ ഡെന്മാര്ക്കിന് മുന്നില് 1-3നായിരുന്നു ഭാരതത്തിന്റെ പരാജയം.
ക്രിസ്റ്റഫേഴ്സണെ 21-13, 21-17നാണ് സിന്ധു തോല്പ്പിച്ചത്. രണ്ടാം മത്സരത്തിനിറങ്ങിയ ഉനാറ്റി ഹൂ ഡ മികച്ച മത്സരം കാഴ്ച്ചവച്ചു. ടൈബ്രേക്കറിലേക്ക് നീണ്ട മത്സരത്തിനൊടുവില് ഗംഭീര പോരാട്ട വീര്യം കാഴ്ച്ച വച്ച ഹൂഡ രണ്ടാം മത്സരത്തില് 23-25ന് പരാജയപ്പെടുകയായിരുന്നു. ആദ്യ മത്സരം ക്യാര്സ്ഫെല്ഡറ്റിനോടെതിരിട്ട താരം ആദ്യ ഗെയിമില് 12-21നാണ് പാരജയപ്പെട്ടത്.
പിന്നീത് ഡബിള്സില് ശ്രുതി മിശ്ര-പ്രിയ കോഞ്ജെങ്ബാം സഖ്യം മെറ്റെ വെര്ഗെ-അമലിയെ കുഡ്സ്ക് സഖ്യത്തിന് മുന്നില് തോറ്റു. നാലാം ഗെയിമിനിറങ്ങിയ തന്വി ശര്മയും പരാജയപ്പെട്ടു. അമലിയെ സ്കുള്സിന് മുന്നിലാണ് തന്വി കീഴടങ്ങിയത്.
