ഗോഹട്ടി: ഇന്ത്യന് സൂപ്പര് ലീഗ്(ഐഎസ്എല്) ഫുട്ബോളില് സീസണിലെ അഞ്ചാം വിജയം സ്വന്തമാക്കിയ എഫ്സി ഗോവ പോയിന്റ് പട്ടികയില് രണ്ടാം സ്ഥാനത്തേക്ക് ഉയര്ന്നു.
പത്താം മത്സരത്തിനിറങ്ങിയ ഗോവ നോര്ത്ത് ഈസ്റ്റ് യുണൈറ്റഡിനെതിരെ 2-0ന്റെ വിജയമാണ് നേടിയത്.
മത്സരത്തിന്റെ 20-ാം മിനിറ്റില് ഡെജാന് ഡ്രാസിച്ച് നേടിയ ഗോളില് ഗോവ ലീഡ് ചെയ്തു. പിന്നീട് മത്സരം അവസാന നിമിഷങ്ങളില് പുരോഗമിക്കുമ്പോളാണ് ഗോവ ലീഡ് ഇരട്ടിപ്പിച്ചത്. 90+3-ാം മിനിറ്റില് മുഹമ്മദ് യാസിര് ഗോള് നേടി.
അഞ്ച് വിജയവും നാല് സമനിലയും സഹിതം 19 പോയിന്റാണ് ഗോവയ്ക്കുള്ളത്. ഇതേവരെ ഒരു മത്സരത്തില് മാത്രമാണ് പരാജയം അറിഞ്ഞിട്ടുള്ളത്. 20 പോയിന്റുള്ള മോഹന് ബഗാന് സൂപ്പര് ജയന്റ്സ് ആണ് പട്ടികയില് മുന്നില്. ഗോവയ്ക്ക് തൊട്ടുതാഴെയുള്ള മുംബൈ സിറ്റിക്ക് 18 പോയിന്റാണുള്ളത്.
