ന്യൂദൽഹി : പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള കേന്ദ്രസർക്കാരിന്റെ പ്രവർത്തനങ്ങളെ വാനോളം പുകഴ്ത്തി രാജിവച്ച് ബിജെപിയിൽ ചേർന്ന എഎപി എംപി രാഘവ് ഛദ്ദ.
“ഞങ്ങൾ ബിജെപിയിൽ ലയിക്കുകയാണ്. കഴിഞ്ഞ 12 വർഷത്തിനിടയിൽ, പ്രധാനമന്ത്രി മോദിയുടെ നേതൃത്വത്തിൽ ബിജെപി കേന്ദ്ര സർക്കാർ, പല നേതാക്കളും മുമ്പ് എടുക്കാൻ ഭയപ്പെട്ടിരുന്ന നിരവധി തീരുമാനങ്ങൾ എടുത്തിട്ടുണ്ട്. പൊതുജനങ്ങൾ ഈ നേതൃത്വത്തെ ഒന്നല്ല, മൂന്ന് തവണ അംഗീകരിച്ചിട്ടുണ്ട്. പ്രധാനമന്ത്രി മോദിയുടെ നേതൃത്വത്തിൽ ഞങ്ങൾ രാജ്യത്തിനായി പ്രവർത്തിക്കും,” – രാഘവ് ഛദ്ദ പറഞ്ഞു.
ഇതിനു പുറമെ എഎപി നേതൃത്വത്തിനെതിരെയും രാഘവ് ഛദ്ദ തുറന്നടിച്ചു. വ്യക്തിപരമായ നേട്ടങ്ങൾക്ക് വേണ്ടിയാണ് എഎപി പ്രവർത്തിക്കുന്നതെന്ന് അദ്ദേഹം തുറന്നടിച്ചു.
“15 വർഷമായി ഞാൻ എന്റെ രക്തം കൊണ്ട് വളർത്തിയ ആം ആദ്മി പാർട്ടി അതിന്റെ പാതയിൽ നിന്ന് വ്യതിചലിച്ചു. ഇപ്പോൾ അത് ദേശീയ താൽപ്പര്യത്തിനല്ല, സ്വന്തം നേട്ടങ്ങൾക്കുവേണ്ടിയാണ് പ്രവർത്തിക്കുന്നത്. ഞാൻ ആം ആദ്മി പാർട്ടിയിൽ നിന്ന് മാറി ജനങ്ങളിലേക്ക് കൂടുതൽ അടുക്കുകയാണ്. ഈ പാർട്ടിയെ ദൽഹിയിലേക്കും പഞ്ചാബിലേക്കും രാജ്യത്തെ മറ്റ് സംസ്ഥാനങ്ങളിലേക്കും കൊണ്ടുപോകാൻ നാമെല്ലാവരും ഒരുമിച്ച് പ്രവർത്തിച്ചു,”- രാഘവ് ഛദ്ദ പറഞ്ഞു.
