കൊച്ചി:നടി ആക്രമിക്കപ്പെട്ട കേസിലെ വിചാരണ കോടതി ജഡ്ജിയായിരുന്ന ഹണി എം. വര്‍ഗീസിനെ ഹൈക്കോടതി ജഡ്ജിയായി നിയമിക്കാന്‍ കൊളീജിയം ശുപാര്‍ശ ചെയ്തതിനെതിരെ പരാതിയുമായി അതിജീവിത.ഹണി എം. വര്‍ഗീസിന് സ്ഥാനക്കയറ്റം നല്‍കുന്നതിനെതിരെ രാഷ്‌ട്രപതിക്കും സുപ്രീം കോടതി ചീഫ് ജസ്റ്റിസിനും അതിജീവിത നിവേദനം നല്കി.
ഹണി എം. വര്‍ഗീസിന്റെ സ്ഥാനക്കയറ്റം സംബന്ധിച്ച നടപടിക്രമങ്ങള്‍ പുരോഗമിക്കവെയാണ് അതിജീവിത പരാതി നല്‍കിയത്.
ലൈംഗികാതിക്രമ ദൃശ്യങ്ങള്‍ ഉള്‍പ്പെട്ട മെമ്മറി കാര്‍ഡ് കോടതിയുടെ പരിഗണനയിലിരിക്കെ പരിശോധിക്കപ്പെട്ടെന്ന് നിവേദനത്തില്‍ പറയുന്നു. ഇതില്‍ ജഡ്ജി ഉള്‍പ്പെടെയുള്ളവര്‍ ഭാഗമാണെന്ന് ആരോപണവും ഉന്നയിക്കുന്നു.
അതിജീവിതയ്‌ക്കൊപ്പം നില്‍ക്കുന്നവരും നിവേദനത്തില്‍ ഒപ്പുവച്ചിട്ടുണ്ട്.
