ബെംഗളൂരു കോണ്ഗ്രസ് നേതാവ് മല്ലികാര്ജുന് ഖാര്ഗെയ്ക്ക് സ്വന്തം അമ്മയും സഹോദരിയും നഷ്ടമായത് എങ്ങിനെയാണെന്നറിയാമോ? ഹൈദരാബാദിലെ നിസാമിന്റെ പട്ടാളക്കാരാണ് ഖാര്ഗെയുടെ അമ്മയെയും സഹോദരിയെയും കൊന്നത്. അന്ന് ഖാര്ഗെയുടെ കുടില് അവര് തീകൊളുത്തിയപ്പോള് ഇരുവരും വെന്തുമരിക്കുകയായിരുന്നു.. അന്ന് ഏഴ് വയസ്സുകാരനായ ഖാര്ഗെ ഒരു വിധം ഓടിരക്ഷപ്പെടുകയായിരുന്നു.
പണ്ട്, 1948ല് മുസ്ലിം ഭരണാധികാരിയായ നിസാം ഭരിയ്ക്കുന്ന ഹൈദരബാദിനെ ഇന്ത്യന് യൂണിയനുമായി ചേര്ക്കാന് സര്ദാര് വല്ലഭായ് പട്ടേലിന്റെ നേതൃത്വത്തില് ശക്തമായ ശ്രമം നടക്കുകയായിരുന്നു. അന്ന് നിസാമിന്റെ സൈന്യം ഇതിനെതിരെ ശക്തമായ ലഹള നടത്തി.. ഇന്ത്യന് യൂണിയനുമായി ചേരാതെ, ഹൈദരാബാദില് നിസാം ഭരണം നിലനിര്ത്താനായിരുന്നു റസാക്കറുകള് എന്ന് വിളിക്കപ്പെടുന്ന നിസാമിന്റെ പട്ടാളം സായുധ കലാപം നടത്തിത്.
ഈ കലാപത്തിലാണ് ഖാര്ഗെയുടെ അമ്മയും സഹോദരിയും കൊല്ലപ്പെടുന്നത്. നിസാമിന്റെ പടയാളികളായ റസാക്കറുകളാണ് ഖാര്ഗെയുടെ അമ്മയെയും സഹോദരിയെയും കൊന്നത്. ഇപ്പോള് കര്ണ്ണാടകയിലെ ബിദാര് ജില്ലയിലെ വരവട്ടി എന്ന ഗ്രാമത്തിലായിരുന്നു ഖാര്ഗെയുടെ വീട് (പണ്ട് ഈ ഗ്രാമം ഹൈദരാബാദ് സ്റ്റേറ്റിന് കീഴിലായിരുന്നു). ഈ വീട് നിസാമിന്റെ സേന അഗ്നിക്കിരയാക്കി. ഇതില് അമ്മയും സഹോദരിയും വെന്ത് മരിച്ചു. അന്ന് ഏഴ് വയസ്സുകാരനായ ഖാര്ഗെ ഓടിരക്ഷപ്പെട്ടു.
അന്ന് ഹൈദരാബാദിലെ നിസാം സ്വന്തം സാമ്രാജ്യം ഇന്ത്യന് യൂണിയനില് ലയിപ്പിക്കില്ലെന്ന പിടിവാശിയില് നടത്തിയ കലാപം പക്ഷെ സര്ദാര് വല്ലഭായ് പട്ടേലിന്റെ നിശ്ചയദാര്ഢ്യത്തിന് മുന്നില് തകര്ന്നടിഞ്ഞു. നിസാമിനെ തോല്പിക്കാന് അന്ന് സര്ദാര് വല്ലഭായ് പട്ടേല് നടത്തിയ ദൗത്യം ഓപ്പറേഷന് പോളോ എന്നാണ് അറിയപ്പെട്ടത്. അഞ്ച് ദിവസത്തിനുള്ള ഇന്ത്യന് സൈന്യം നിസാമിന്റെ പടയാളികളെ അടിച്ചമര്ത്തി ഹൈദരാബാദ് സ്റ്റേറ്റിനെ ഇന്ത്യയില് ലയിപ്പിച്ചു.
ഈ ദുരനുഭവം ഉണ്ടായിട്ടും ഖാര്ഗെ ഭീകരനെ കാണുന്നത് മോദിയിലാണെന്നത് വിധിവൈപരീത്യം എന്നല്ലാതെ ഒന്നും പറയാനില്ലെന്ന് ഈ ചരിത്രമറിയുന്ന രാഷ്ട്രീയനിരീക്ഷകര് ചൂണ്ടിക്കാട്ടുന്നു. കാരണം കോണ്ഗ്രസിന്റെ രാഷ്ട്രീയലൈനിനോട് ചേര്ന്ന് നിന്നും സ്വന്തം കുടുംബദുരന്തം എങ്ങിനെയാണ് ഖാര്ഗെയ്ക്ക് പൊറുക്കാന് കഴിയുന്നതെന്ന ചോദ്യം ശക്തമായി ഉയരുകയാണ്.
