തിരുവനന്തപുരം: മില്മ പാലിന്റെ വില വര്ധിപ്പിക്കുമെന്ന് സൂചന.വിഷയത്തില് 29ന് ചേരുന്ന ഡയറക്ടര് ബോര്ഡ് യോഗത്തില് തീരുമാനം ഉണ്ടാകാനാണ് സാധ്യത. വിലവര്ധിപ്പിക്കാന് അനുമതി തേടി ബോര്ഡ് സര്ക്കാരിന് വീണ്ടും കത്ത് നല്കുമെന്ന് മില്മ ചെയര്മാന് കെ എസ് മണി പറഞ്ഞു. മൂന്ന് വര്ഷമായി വില വര്ദ്ധിപ്പിച്ചിട്ടില്ലെന്നും വില കൂട്ടാതെ പിടിച്ച് നില്ക്കാന് കഴിയില്ലെന്നും കെ എസ് മണി വ്യക്തമാക്കി.
പാലിന് ലിറ്ററിന് ആറ് രൂപ വര്ധിപ്പിക്കണമെന്നാണ് ആവശ്യം.ഇക്കാര്യം ആവശ്യപ്പെട്ട് ബോര്ഡ് ആസ്ഥാനത്തിന് മുന്നില് ഡയറക്ടര് ബോര്ഡ് അംഗങ്ങള് പ്രതിഷേധിച്ചു. വില വര്ധനയില് തീരുമാനം വൈകുന്ന സാഹചര്യത്തിലാണ് ഇത്.
വില വര്ധന നടപ്പാക്കുന്നതിനായി ബോര്ഡ് നേരത്തെ നല്കിയ കത്തിന് വ്യക്തമായ മറുപടി സര്ക്കാരില് നിന്ന് ലഭിച്ചിട്ടില്ല. തെരഞ്ഞെടുപ്പ് പെരുമാറ്റ ചട്ടം കാരണമാണ് മറുപടി വൈകിയതെന്നാണ് ബോര്ഡ് ചെയര്മാന് പറയുന്നത്.
