തിരുവനന്തപുരം: വിഴിഞ്ഞം മുക്കോലയില്‍ ബാറിലുണ്ടായ തര്‍ക്കത്തെ തുടര്‍ന്ന് നടുറോഡില്‍ യുവാവിനെ മര്‍ദിച്ചു കൊന്ന കേസിലെ പ്രതികളെ ചൊവ്വാഴ്ച കസ്റ്റഡില്‍ വാങ്ങും. തിങ്കളാഴ്ച കസ്റ്റഡിയില്‍ വാങ്ങുന്നതിന് അപേക്ഷ നല്‍കുമെന്ന് പൊലീസ് അറിയിച്ചു.
വെള്ളായണി പാലപ്പൂര് അരുണ്‍ നിവാസില്‍ സുമന്‍(38) ആണ് കൊല്ലപ്പെട്ടത്.ബാലരാമപുരം ആര്‍.സി. സ്ട്രീറ്റ് തൊളിയറത്തല സ്വദേശികളും പയറ്റുവിളയില്‍ വാടകയ്‌ക് താമസിക്കുന്ന സഹോദരങ്ങളായ അച്ചു.എസ്.ബാബു (24),അനന്തു എസ്. എസ് (19) എന്നിവരാണ് പ്രതികള്‍.
റോഡിലിട്ട് ചവിട്ടിയും ഇടിച്ചുമാണ് സുമനെ കൊന്നത്. സംഭവത്തിന് പിന്നാലെ ഇരുവരെയും അറസ്്റ്റ് ചെയ്ത് കോടതിയില്‍ ഹാജരാക്കി റിമാന്‍ഡ് ചെയ്തിരുന്നു.
