കാസര്കോട്: വേനല്ച്ചൂട് വര്ദ്ധിച്ചിരിക്കെ കാസര്കോട് ജില്ലയിലെ കാഞ്ഞങ്ങാട് സ്കൂള് വിദ്യാര്ത്ഥിക്ക് സൂര്യാഘാതമേറ്റു.ഉച്ചസമയത്ത് സ്കൂള് മൈതാനത്ത് കളിച്ചുകൊണ്ടിരുന്ന 13 വയസുകാരനാണ് സൂര്യാഘാതമേറ്റത്.കുട്ടിയുടെ ശരീരത്തില് പൊള്ളലേറ്റ പാടുകള് കണ്ടെത്തി.
സുഹൃത്തുക്കള്ക്കൊപ്പം കളിക്കുന്നതിനിടെ കുട്ടിയുടെ പുറംഭാഗത്തും തോളിലുമാണ് പൊള്ളലേറ്റത്. ഉടന് തന്നെ കുട്ടിയെ അടുത്തുള്ള ആശുപത്രിയില് പ്രവേശിപ്പിച്ചു. ആശങ്കപ്പെടാനില്ലെന്നും കുട്ടി നിരീക്ഷണത്തിലാണെന്നും ആരോഗ്യവകുപ്പ് അധികൃതര് അറിയിച്ചു. സംസ്ഥാനത്ത് താപനില ക്രമാതീതമായി ഉയരുന്ന സാഹചര്യത്തില് ദുരന്തനിവാരണ അതോറിറ്റി അതീവ ജാഗ്രതാ നിര്ദേശം നല്കിയിട്ടുണ്ട്. പകല് 11 മണി മുതല് ഉച്ച തിരിഞ്ഞ് മൂന്ന് മണി വരെയുള്ള സമയത്ത് നേരിട്ട് വെയില് ഏല്ക്കുന്നത് പരമാവധി ഒഴിവാക്കണം.
ചര്മ്മത്തില് ചുവപ്പ് നിറം, തടിപ്പ്, പൊള്ളല്, കടുത്ത തലവേദന, തലകറക്കം എന്നിവ കണ്ടാല് ഉടന് വൈദ്യസഹായം തേടണം. വിവിധ ജില്ലകളില് താപനില സാധാരണയേക്കാള് 2 മുതല് നാല് ഡിഗ്രി വരെ ഉയരാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കുന്നു. നിര്ജലീകരണം ഒഴിവാക്കാന് ധാരാളം വെള്ളം കുടിക്കണും. അയഞ്ഞ പരുത്തി വസ്ത്രങ്ങള് ധരിക്കണമെന്നും അധികൃതര് അറിയിച്ചു.
