പെരുമ്പാവൂർ : കൊലപാതക കേസിലെ പ്രതികൾ പിടിയിൽ. പെരുമ്പാവൂർ മുടിക്കൽ ഭാഗത്തുള്ള പ്ളൈവുഡ് കമ്പനിയിൽ ഇന്നലെ വെളുപ്പിന് മോഷണക്കുറ്റം ആരോപിച്ച് ആസ്സാം സ്വദേശിയായ നുർ ഹുസ്സൈൽനെ കൊലപ്പെടുത്തിയ കേസിലെ പ്രതികളെ പെരുമ്പാവൂർ പോലീസ് അറസ്റ്റ് ചെയ്തു.
ആസാം സ്വദേശികളായ അലാവുദ്ദീൻ ( 32) , ജാക്കിർ ഹുസ്സൈൻ (42 ) ഹബീബുദ്ദീൻ 32 , മുസമ്മിൽ ഹഖ് (27) , ഹച്ചെൻ അലി (37) , മിനാറുൾ (32) എന്നീ പ്രതികളെയാണ് ശാസ്‌ത്രീയ അന്വേഷണത്തിലൂടെ അറസ്റ്റ് ചെയ്തത്. പ്രതികളുടെ മൊബൈൽ ഫോണുകളും പൈസയും മരണപ്പെട്ടയാൾ മോഷ്ടിച്ചു എന്നാരോപിച്ച് തടഞ്ഞു വച്ച് മർദ്ദിക്കുകയായിരുന്നു.
റൂറൽ ജില്ലാ പോലീസ് മേധാവി കെ.എസ് സുദർശന്റെ നിർദ്ദേശാനുസരണം രൂപീകരിച്ച അന്വേഷണ സംഘത്തിൽ പെരുമ്പാവൂർ എ .എസ് .പി ഹർദ്ദിക് മീണയുടെ നേതൃത്വത്തിൽ പെരുമ്പാവൂർ ഇൻസ്പെക്ടർ അനിൽകുമാർ എൽ, എസ്.ഐ മാരായ പ്രവീൺ പ്രകാശ്, അർജുൻ എസ്. എൽ . അബ്ദുൾ ജലീൽ , എ. എസ്. ഐ മാരായ രതീശൻ , സുബൈർ എം.ബി ,സീനിയർ സി പി ഒമാരായ രജിത് രാജൻ , മുഹമ്മദ് ഷാൻ , നിഷാദ് എം.കെ.അനുരാജ് പി . എൻ , ബിന്ദു എൻ.പി എന്നിവരുൾപ്പെട്ട പ്രത്യേക അന്വേഷണ സംഘമാണ് പ്രതികളെ അറസ്റ്റ് ചെയ്തത്.
